uMthunywa
Ethel Ncube
KULENDODA yeMberengwa egwetshwe inyanga eziyisithupha kulandela ukutholakala ilecala lokutshaya kunye lokuthethisa indondakazi yayo.
Umantshi uMehluli Moyo ugwebe uMisheck Sibanda ukuthi ayepika inyanga eziyisithupha andubana azesule kukhangelelwe ukuthi ayosebenza amahola angu-105 esigabeni.
Umtshutshisi kulelicala uMnumzana uAli Mutause ubikele inkundla ukuthi umsolwa wathethisa waphinda watshaya indodakazi yakhe eleminyaka engu-18.
“Umsolwa wafika emzini wakhe evela khelela uMagwebu waqonda ekamelweni lendodakazi yakhe eleminyaka engu-18 wayithola inqunu wafika wayithethisa wathi ingumahotsha.
“Indodakazi yakhe yamtshela ukuthi aphume ngoba engagqokanga wala waqhubeka eyithethisa. Kuhlandla lesibili, umsolwa wabona indodakazi yakhe le, isiya ezitolo wayitshaya ngomqwayi kathathu andubana acine eseyitshaya ngezandla ethi iyaphuza ukufika ngekhaya okuyikho okwenza yayabophisa uyise,” kulandisa uMnu Matause.
Umantshi ngemva kokuzwa icala leli ugwebe umsolwa inyanga eziyisithupha andubana esule ezintathu kukhangelelwe ukuthi angadali icala elifanayo kuminyaka emihlanu ezayo, kwathi ezinye ezintathu zabekwa eceleni kukhangelelwe ukuthi asebenze amahola angu-105.
