Uncategorized

Ugwazwe watshona ekhuza abebephuza

10 Sep, 2020 - 08:09 0 Views
Ugwazwe watshona ekhuza abebephuza

uMthunywa

UCaptain Dumisani Zondi (42) weMlaza kuthiwa ugwazwe emhlane watshonela endaweni yesehlakalo ngemva kokunqakisana ngamazwi labebephuza utshwala esidlangalaleni.

Umfowabo kamufi , uMnumzana S’thembiso Zondi, uthe ufike ngekhaya ngoLwesithathu njengenjwayelo waya koziqeqetsha enkundleni yezemidlalo eseMontclair.

“Kuthiwa ngesikhathi bedlala ibhola, bekukhona idlanzana ebelihleli ngaphandle liphuza utshwala ebelibacokofula libathuka. Kuthe ngemva kokujima waya kubo wafika wabakhuza ukuthi bayeke ukuphuza esidlangalaleni ngoba akuvumelekile,” kutsho uZondi.

Uthe kube lokuphakama komoya ngesikhathi laba bekhuzwa kangangoba osolwa ngokugwaza lumufi bebetsho ukubambana ngezandla okuthe uma bekhuzwa waphenduka umufi ngenhloso yokuqhela eduza kamsolwa, esafulathele osolwa ngokubulala ukhiphe ingqamu wamgwaza emhlane.

“Ngifonelwe ngaphuthuma khona, ngeshwa ngafika esethule. Omgwazileyo ubesebalekile ngaleso sikhathi. Wenze into embi ngokubulala umuntu ngenxa yokungafuni ukukhuzwa. Umfowethu ubengaphethe lutho. Uma efika ekhaya ubekhulula umfaniswano atshiye lesibhamu somsebenzi endaweni ephephile bese uya kojima,” kubalisa uZondi.

Uthe umfowabo ubeseleminyaka engu13 elipholisa likaManisipala weTheku. Ngomnyaka odlule ukhutshulelwe esikhundleni sokubamba njengoCaptain esiteshini samapholisa kamasipala esiseAlbert Park.

Okhulumela amapholisa kaMasipala weTheku uSenior Superintendent Parboo Sewpersad uthe uZondi ubelipholisa elizimiseleyo emsebenzini njengoba esanda kuvalela abatshayeli bamatekisi ababili abebethuka amapholisa bewatshaya edolobheni iTheku.

“Kusidumazile kwasiphatha kabi ukubulawa kwakhe. Ubelipholisa elisebenzela umphakathi futhi utshone esebenzela wona. Sizosebenza ngokubambisana lamapholisa ophiko lweSAPS ukuze kubotshwe ombulele,” kutsho uSewpersad.

Unxuse abalolwazi ngokwenzakeleyo ukuba baveze umkhondo ngosolwa ngokubulala. Okhulumela amaHawks KwaZuluNatal uCaptain Simphiwe Mhlongo uthe oKlebe baphenya icala lokubulala. Ngesikhathi sokudindwa uthe bekungakabotshwa muntu kodwa amapholisa asezithendeni zomsolwa.

Share This:

Sponsored Links