Uncategorized

Ugwazwe wafa etshwaleni kubangwa intombi

24 Nov, 2022 - 00:11 0 Views
Ugwazwe wafa etshwaleni kubangwa intombi Ingqamu

uMthunywa

Ethel Ncube

KULENDODA yeNkankezi eFilabusi egwazwe etshwaleni yedlula emhlabeni kubangwa intombi ebhawa ngeviki ephelileyo.
UBernado Moyo oleminyaka engu-25 yokuzalwa weNkankezi, eFilabusi wayekhelela uMagwebu ebhawa yeNkankezi labanye andubana axabane labetheswacala uTriton Moyo loWisdom Mangena, labo abesigabeni esifanayo, kubangwa intombi.

Kubikwa ngesikhathi besilwa uBernado wahwatsha ingqamu wethusela ukugwaza uTriton kodwa wenelisa ukuphunyuka wabaleka ebhawa wayathutsha esephethe imbokodo yelitshe.

UTriton kubikwa wajika isitina ayesiphethe kodwa uBernado wavika, wasidobha wamtshaya ngaso esiphaqeni.
Khonokho umamangala wesibili, ongumngane kaTriton, wangena ebhawa ephethe ibhemba.

UMthunywa uxhumane lesinye isakhamuzi uMnumzana Velani Sibanda oveze ukuthi bebengacabangeli ukuthi umbango wentombi ungaba lesidumbu phansi.

“UWisdom ebona umngane wakhe esetshaywe ngesitina wathutsha lebhemba watshaya ngayo uBernado kanenginengi ekhanda.
UTriton laye wathatha lelothuba wamgwaza nge-okapi esiswini bamtshiya ethe daca phansi esopha kakubi bafulathela. Abanye ababesebhawa bamgijimisela esibhedlela seFilabusi District Hospital,” kulandisa uMnu Sibanda.

eUnited Bulawayo Hospital

UBernado wafika wadluliselwa esibhedlela sakoBulawayo eUnited Bulawayo Hospitals lapho edlula khona ngosuku olulandelayo.
UMthunywa uxhumane lomele isikhulumi samapholisa esabelweni seMatabeleland South, uAssistant Inspector Thandolwenkosi Moyo oveze ukuthi kufe oyedwa eFilabusi kubangwa intombi.

“Sikhuthaza uzulu ukuba angasebenzisi udlame nxa kulokungazwisisani kungcono badinge abadala kumbe abamabandla babaphathise ukuze bakhumisane umlotha.

“Asikhuthazi ontanga ukuba bahambe bethwele izikhali ngoba ukuthwala izikhali kulicala,” kuphetha uAsst Insp Moyo.

Share This:

Sponsored Links