Uncategorized

Ugwazwa izandla kubangwa igolide

30 May, 2024 - 00:05 0 Views
Ugwazwa izandla  kubangwa igolide Ingqamu

uMthunywa

Ethel Ncube

KULENDODA yeLwisani eZhombe ngaphansi kwenduna uGwesela eyehlelwe ngamashwa awokukhandwa ngamatshe lokuxhonxwa ngengqamu izandla zombili kubangwa igolide kuviki ephelileyo.

UTichaona Chiremba oleminyaka engu-37 yokuzalwa walandwa ngamadoda amane ezitolo ethwele amatshe lezingqamu afika ambhaxabula ethi wabathathela igolide labo.

Intatheli ixhumane lesinye isakhamuzi uMnumzana Maxwell Sibanda obike ukuba abantu sebephenduke inyamazama.

“Abafana laba babuya ezitolo bebahlanu balanda uTicha bamhlasela besithi wabaphambanisa ekugebheni igolide.

“Amadoda la ayehlome ngezingqamu njalo ethwele amatshe. Baqala ukumkhanda ngamatshe ngapha bemgwaza izandla bephinda phinda waze wawela phansi waqaleka,” kutsho uMnu Sibanda.

“Ngesikhathi elele phansi izandla zasezingathi seziyaxega angani seziqumeka babaleka.

Kubikwa uTichaona wathwalelwa esibhedlela seZhombe lapho alaliswe khona. Silethemba abantu laba bazabonakala ngoba ngabantu abaziwayo esigabeni,” kubika uMnu Sibanda.

Intatheli ixhumane lesikhulumi samapholisa eMidlands uInspector Emmanuel Mahoko ubike ukuba indaba enjalo isezandleni zamapholisa.

“Sicela uzulu ukuba asincedise ukuba sibambe ometheswacala laba uMayibongo Ngwalati, Jerry Kwenya, Nathan Mduduzi loMdudusi Kwenya. Bazabhekana lecala lokuzama ukubulala,” kuphetha uInsp Mahoko.

 

Share This:

Sponsored Links

Survey


We value your opinion! Take a moment to complete our survey

This will close in 20 seconds