
Ethel Ncube
KULENDODA yePlumtree emiswe emthethwendaba ngeviki ephelileyo isetheswa icala lokutshaya ugogo wayo imsola ngokuloya.
Umsolwa uAdmire Nyathi ukhangelelwe ukuphenduka emthethwandaba mhlaka 24 kuyonale inyanga lapho azakwethulelwa isigwebo sakhe ngecala lokugongoda ugogo wakhe ngensimbi.
Umtshutshisi uSelestine Madziwa uchazele inkundla ngokwenzakalayo.
“Umsolwa wahamba lensimbi esiya kugogo wakhe wamthola emile mhlaka 9 kuyonale inyanga wafika wamgongoda ngayo. Wathi ngesikhathi emtshaya, wamtshela ukuthi uyaloya. Ugogo wahlaba umkhosi. U-Admire wacela ezinyaweni ikanti kabuzanga elangeni, izakhamizi zamgijimisa zambamba okwadala ukuthi abotshwe,” kubika umtshutshisi uMadziwa.
Umantshi uJoshua Nembaware ubike ukuba umsolwa uzaphenduka emthethwandaba mhlaka 24 kuyonale inyanga ezothola isigwebo sakhe.