uMthunywa
Ethel Ncube
KULENDODA yesigabeni seKofi eZvishavane emiswe phambi komthethwandaba isetheswa icala lokugongoda omunye ngensimbi kubangwa ukuthi kungani eyale ukudla inyama abemnike yona.
Umsolwa uLuckmore Dlamini umiswe phambi komthethwandaba weZvishavane esolwa ngecala lokutshaya umamangala uHilton Mbizo. Inkundla izwe ukuthi umsolwa wasukela uMbizo ezidlela isitshwala sakhe wathi kasitshiye adle inyama ayithengileyo yena umamangala wala, umsolwa wasethatha isitshwala sikamamangala esasilenyama wasichithela phansi qede waqala ukumtshaya ngensimbi ukuthi kungani eyale ukudla inyama yakhe.
Kuzwakale njalo ukuthi umsolwa watshaya umamangala waze wacina esekhasa ngamadola okwenza waze wancediswa ngabanye abamusa emapholiseni.
Umantshi uNkosazana Charity Tonogera ngemva kokuzwa icala leli uqume ukuthi umsolwa aye ejele inyanga eziyisificaminwe mibili andubana azesule ngoba eqalisa ukwephula umthetho njalo elabantwana lesithembo.
