Uncategorized

Ugongoda ipholisa ngembokodo

09 Jan, 2020 - 00:01 0 Views
Ugongoda ipholisa ngembokodo

uMthunywa

Yintatheli kaMthunywa

KULEPHOLISA leMatopo koNtunja eligongodwe ngembokodo ngeviki ephelileyo lizama ukulamula abantu akade besilwa.

Kubikwa ipholisa leli lithe selibona ukuthi selihlaselwa ngomunye walabo akade besilwa lacela ezinyaweni layabikela abanye babo enkambeni ababuya behlomile, uMthunywa ukuzwile lokhu.

Ekhuluma loMthunywa omunye wezakhamizi zakule indawo uMnumzana Bhekiwe Dube uveze ukuba kuliqiniso ukuthi kwaba lokulwa.

“UJuku wayesilwa lomunye kubangwa isikhwili somnyaka ophelileyo ezitolo kwathutsha amapholisa azama ukulamula ukuthi abantu bangalwi akuvunyelwa kanti ipholisa alibuzanga elangeni lahlangana lembila zithutha imbokodo yahle yahlala ekhanda,” kubika uMnu Dube.

“Ipholisa leli lathi livuka phansi labeletha inyawo laqonda enkambeni bayabuya sebebanengi sebehlomile bafika babopha uJuku bahamba laye enkambeni yeMatopos,” kuveza uMnu Dube.

Intatheli iphinde yaxhumana lomunye walabo ababekhona uMnumzana Dumisani Sibanda kuliwa ezitolo ochaze ukuba ukutshaya ipholisa kubi.

“Abafana laba bavele balezikhwili zabo zakudala abazibangayo ezingakapheli. UJuku uvele uthanda ukulwa. Kungakho ipholisa lathi selibalamula yena wadobha imbokodo walitshaya ekhanda,” kuchaza uMnu Sibanda.

Isikhulumi samapholisa esabelweni seMatabeleland South uInspector Philisani Ndebele uthe indaba le isihanjiswe emthethwandaba.

Share This:

Sponsored Links