uMthunywa
Thokozile Mbedzi
KULENDODA etshiye uzulu wesigabeni seRwasarira eZaka enkemile ngemva kokubulala uyise ngempelaviki kubangwa amabele.
Kubikwa uMori Tarasarowo oleminyaka engu-34 yokuzalwa egece uyise ngekhuba uMisheck Maputa oleminyaka engu-68 yokuzalwa esola ukuthi kungani amabele esuswe endlini yakhe yokulala.
Ekhuluma lentatheli kaMthunywa ulnspector Kudakwashe Dhewa uthe kulendoda egece uyise wafa.
“Umetheswacala ufice uyise lonina sebelungise amabele ayebhulwe afakwa endlini yakhe bawafaka emasakeni wazonda.
Amabele
“Ufike edakiwe wathola amabele esesusiwe endlini yakhe wathi okwenziwe ngabazali bakhe kubi andubana adobhe ikhuba ebelisegumeni waqala ukuthethisana loyise kwaba lengxabano enkulu.
“Esethwele ikhuba wahle waqonda kuyise wamgeca ngekhuba ekhanda kathathu amanxeba atshonayo waphinda njalo wamgeca esandleni sokudla wawela phansi,” kutsho uAsst Insp Ndlovu.
Umetheswacala wathi eqeda ukwenza icala leli wabaleka.
Unina kametheswacala wagijima wayabikela usobhuku ngesehlakalo lesi.
Kubikwa usobhuku uthe esanda kufika labanye omakhelwane wahle wafa besazama imizamo yokuba bamthwalele esibhedlela.
Amapholisa aseqhubekela phambili ngokuchwayisisa ngodaba lolu.
