Uncategorized

Ugcina amalitha angu-60 omthambiso endlini

13 May, 2021 - 00:05 0 Views
Ugcina amalitha angu-60 omthambiso endlini UTawanda Venty

uMthunywa

IZAKHAMIZI zepulazi leRasper eParklanes Shade 2 ePorta indawo eseNorton kumaviki amabili aphelileyo zisele zibambe owangaphansi zisizwa indaba yenye indoda yakhonale etholakale ilomthambiso ongaba ngamalitha angu-60 obugcinwe ezigubhini kanye lasemambodleleni.

Kucatshangelwa ukuthi indoda le ibisileminyaka edlula emihlanu igcina umthambiso.

UTawanda Venty (41) uthe njengomuntu onatha utshwala, uyake acine esethambisa phakathi kwamambodlela lezigubhu ngoba engafuni ukuphuma phandle ebusuku.

“Kuliqiniso, abantu bathola umthambiso endlini yami phakathi kwezigubhu ngemva kokuba ngibe lokungezwani lomunye umuntu engimgcinileyo emzini wami, nguye owakubonayo lokhu wacina esetshela abanye abantu. Kodwa okokuthi sengileminyaka ngilomthambiso lo ngamanga, umthambiso lo ngowamaviki amalutshane edluleyo.

Izigubhu yiyo i-chamber yami,” kutsho uVenty.

Indoda le okubikwa yabalekelwa ngunkosikazi ngomnyaka ka 2015 kubangelwa yikugcina umthambiso endlini, ithe iziphilisa ngokuthiya inhlanzi ezithengisa ebhawa.

“Ngingumuntu wotshwala, nxa sengidakiwe ngingalala kubanzima ukuthi ngiphume phandle. Kungakho-ke ngithambisa ezigujini besengikhohlwa ukuyachitha sokusile. Lokhu okukhulunywa ngabantu okokuthi umthambiso ngumuthi wami akusiqiniso, abantu bafuna ukunonisa indaba engekhoyo kuphela,” utsho njalo uVenty.

UMadzibaba Joseph Motsi (48) olipostoli njalo ehlala epulazini leli uthe wamangala esizwa indaba yomthambiso okubikwa ugcinwa phakathi kwezigubhu.

“NgoMgqibelo odluleyo sezwa sesibizwa enkomponi kuthiwa kulomuntu otholakale elomthambiso ongange 60 litres sahamba sayazibonela. Endlini le kwakunuka kakhulu.

Kuyamangalisa ukuthi indoda endala ithiwe ibithambisela emambodleleni okweminyaka emihlanu igcina lumthambiso,” utsho njalo uMotsi.

UMnumzana Dick Kamupira (32) ohlala kulelipulazi ongumngane ka Venty uthe ngemva kokuba kubhode amahungahunga okugcinwa komthambiso enkomponi, abantu baqonda emzini kaVenty ukuze bayezibonela.

“Sasidlala isnooker ebhawa lapho okwafika udletshana lokuthi emzini ka ‘SekaMeridha’ yena phela uVenty kulomthambiso omnengi. Sagijima sisuka ebhawa singabantu abalitshumi safica umthambiso usezigubhini zama 5 litres, phakathi kwamagabha ama scud, kanye lezigubhu ezincane konke sokukhitshelwe phandle ngabantu ababetshinga besithi indoda le yenza imithanithani yayo ngomthambiso lo bethi iyaloya,” utsho njalo uKamupira.

Uthe umngane wakhe wafika wathola abantu sebekhiphe izigubhu lamagabha omthambiso endlini wahle wathatha ingqamu waqala ukuthi abantu bebengelayo imvumo yokukhipha izinto zakhe ethi ufuna ukubasika.

Ngathatha ingqamu le ayesithi ufuna ukusika ngayo abantu ngabhoboza esinye isigubhu somthambiso esasesikhukhumele ngenxa yomthambiso owawusubilile umthambiso lo waphuma ufafazeka wathela abantu ebusweni. Abantu bathwala izigubhu lezi bayachitha umthambiso izigubhu lamambodlela kwatshiswa,” kutsho uKamupira.

Ingcitshi kwezesintu ugogo u-Alice Kwenda Masoko (62) ohlala eLochinvar, eHarare uthe umthambiso usetshenziswa ngendlela ezitshiyeneyo ekuloyeni kanye lasekuvezeni abaloyayo.

“Umthambiso usetshenziswa ngabathakathi ukuthakatha amasimu abanye njalo usetshenziswa ukuveza okubi.

Ungagcoba umntwana omncane umthambiso nxa esethuka ebusuku kuyaphela. Asazi ukuthi lo ubewusebenzisani,” kutsho ugogo Kwenda.

Ingcitshi kwezokulima zithi umthambiso usetshenziswa njengefethilayiza okwenza izilimo zikhule kuhle.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds