UFIKE wathola bemlinde ngesihle umdlali wakuleli uDivine Lunga kuqembu leMamelodi Sundowns, ephiwa ijesi lakhe alifisa kudala esacathula emdlalweni.
ULunga ubengomunye wabadlali abahluthunwe ngumqeqetshi weSundowns, uManqoba Mngqithi kulinyanga.
UMngqithi usanda kuqinisekisa kuleliviki ukuba uyajabula ngokusayina uLunga, Sifiso Ngobeni loPavol Sanfranko.
Kusenjalo, kuvele ukuba uMgqithi khona esazohlala phansi labadlali abazasuka kuqembu lakhe.
Kubadlali laba kuloSammy Seabi, uTiyani Mabunda, Soumahoro Bangaly loReeyard Pieterse. Kubikwa iqembu leli lifuna lokuchitha ukaputeni, uHlompho Kekana, kodwa liyathikaza ngenxa yokwesaba ulaka lwabalandeli balo.
-@NkosieLegend