Ufika ngokukhala uMapeza

31 Oct, 2019 - 00:10 0 Views
Ufika ngokukhala uMapeza UNorman Mapeza

uMthunywa

BALENGELWA yizembe abadlali beChippa United nanko phela umqeqetshi omutsha uNorman Mapeza ebika ukuthi kuzakuba labadlali abazaxotshwa nxa iqembu liqhubeka lidliwa linamathele emsileni.

IChippa ihlulwe yiHighlands Park nge 2-0 emdlalweni we-Absa Premiership obuseMakhulong Stadium ngoMgqibelo ebusuku. IChippa okwamanje ilokhe iyibambe emsileni ku-Absa Premiership. Yilo lodwa iqembu elingakaze linqobe umdlalo kulisizini. 

UMapeza, obebonakala ukuthi ukhathazekile, uthe ngeke akwazi ukwenza icebo elizoguqula impumela ngabadlali abafice eqenjini. 

“Izinto zizoba nzima kakhulu, kumele sithole abadlali abatsha. Kucacile, kudingeka ukuthi sithenge abadlali. Kumele ngikhulume iqiniso. Angiqhatshelwanga ukuzokwenza izimanga. Ngingumqeqetshi webhola likanobhutshuzwayo futhi ngiyasazi lesi isimo. 

“Nxa izinto zingamhambeli kahle umqeqetshi, uyasuswa esikhundleni kumbe axotshwe. Njengamanje sidinga abadlali. Sidinga abadlali kuzona zonke izindawo, kusukela kunozinti, emuva, esiswini kanye laphambili,” kuchaza uMapeza ngemva komdlalo. 

UMapeza uqhatshelwe ukuzovala isikhala sikaClinton Larsen oxotshwe ngoMpandula ngemva kokugqoza kwemphumela ekuqaleni kwesizini. UDuran Francis waphiwa ukuthi abambe elikamqeqetshi kodwa wehluleka.

Umqeqetshi lo uveze ukuthi bazathenga abadlali abatsha nxa kuvulwa iwindi ngoZibandlela njengoba eseke waxoxisana losihlalo weqembu uSiviwe Mpengesi ngalesi simo. 

“Kumele sidinge abadlali abatsha. Okwamanje kumele sisebenzise abadlali esilabo kuze kuphele umnyaka. Besixoxa ngokuboleka abadlali loba sibathole esigabeni esingaphansi iGladAfrica Championship. Nxa kudingeka ukuthi ngithole abadlali baseZimbabwe, ngizakwenza lokho ngoba sidinga abagadli abazakwazi ukuhlohla,” kuchaza uMapeza. 

UMapeza uthe abadlali bakhe kumele bagxilise ingqondo ekutholeni imiphumela. IChilli Boys izokwamukela iMamelodi Sundowns kuma-quarter-finals eTelkom Knockout eNelson Mandela Bay Stadium ngeSonto ngo-15:00. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds