UFelix uqina kuHwange. . .uzayithambisa iBosso emalahleni

21 Feb, 2019 - 00:02 0 Views
UFelix uqina kuHwange. . .uzayithambisa iBosso emalahleni uFelix Chindungwe

uMthunywa

Nkosilathi Sibanda
USETHOLE lapho azaqedela khona umdlalo wakhe uFelix Chindungwe ngokutshengisela ukuthi uzayidlalela kuze kufike ekucineni iHwange FC nanko usehlelweni lweqembu leli kulisizini.

UChindungwe uyinsika eqenjini leChipangano eseliphendukile kunkundla zenguqu yeligi yeCastle Lager kulandela ukuhlala isizini eyodwa lisezikwakweni zika-Division One kumhlubulo ongezansi yelizwe.

Umdlali lo wathola udumo ekuqembu leChicken Inn lakuHighlanders lapho ayengukaputeni khona.

Ngo2017, iHighlanders yamkhafula uChindungwe ngezizatho ezingacaciyo loba kwavela kwelikade ukuthi abaqeqetshi abazange basuthiseke ngomdlalo wakhe.

Ekhuluma lephephandaba likazulu, uChindungwe ubike ukuba uzibona esekhaya kuHwange.

“IHwange ngiyibona iliqembu lapho esengifike ngaba sekhaya. Ngilayo kulisizini njalo ngikhangelele ukuthi ngidlale ukwedlula lokho engakwenza ngesizini edluleyo.

“Umdlalo wenguqu unjalo, kumele umuntu athole ukukhululeka eqenjini,” kutsho lumdlali.

Ebuzwa ngekusasa yakhe uChindungwe uveze ukuthi inguqu yakhe uzayivuselela aphinde ayiphethe eHwange.

“Okwamanje angeke ngitsho okunengi kodwa ngisaseHwange. Kwelakusasa, angiboni ngiphuma la,” nguChindungwe ekhuluma loMthunywa kuliviki.

Umqeqetshi weHwange uNation Dube, owaziwa ngelithi “uMalume” kunguqu, ukhethe ukukhuluma ngabadlali bonke alabo kuhlelo lwakhe lapho abike ukuba bayilindele iligi.

UDube uthe uChindungwe uzabanga ijesi etshikilisana labanye abadlali ababalisa uGilbert Zulu owaphetha engumdlali owedlule bonke ku-Division One, uObert Moyo, Collen Muleya, Craven Banda, Anthony Nyoni, Gerald Ngulube loFreddy Kamwinga.

Umqeqetshi lo uzitshaye isifuba wathi ukuphenduka kuPSL kulethe injabulo edolobheni lamalahle.

“Bekuzwisa ubuhlungu ukuba iqembu lethu selibuyele muva ku-Division One. Sikuvumile lokho njalo sesikhangele phambili sihlose ukunqoba kumidlalo yethu yonke. Kumele ukuphenduka kwethu kuPSL kube yinjabulo edolobheni lethu eligcwele abantu abakhwabitha umdlalo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds