uMthunywa
Thokozile Mbedzi
KULENDODA yesigabeni seDundubala eNsuza efe izama ukuhlenga imbuzi ebiwele phakathi kwegodi ngoMgqibelo.
Kubikwa uTinashe Dube wayesemavinkilini eThokozani Bottle store bebukele umabonakude labangane bakhe uNhlonipho Ndlovu oleminyaka engu-44, uTalent Ndlovu oleminyaka engu-30 loJeffrey Masuku oleminyaka engu-73 babona imbuzi isiyawela emgodini otshona okungaba yi-21metres. Abane laba basebevumelana ukuyayikhipha, uDube wathi yena uzangena emgodini lowo.
Kubikwa abane laba bathatha igabha lentambo babophela behlisa uDube kodwa ngokuswelakala kwenhlanhla wasesiwa engakafiki phansi.
Ekhuluma lentatheli kaMthunywa uMnumzana Marvelous Moyo omunye walabo ababona isiga lesi uthe lokhe bedabukile ngesehlakalo lesi.
“Lokhe sidabukile ngesiga lesi esisehleleyo esigabeni sethu kuyethusa ngoba besingakhangelelanga okubi. Abantu bebekhangelele nje ukuthi kuyasizwa imbuzi kodwa ngokuswelakala kwenhlanhla asazi ukuthi kwahamba njani ukuze aphunyuke awele emgodini engakafiki phansi. “lnto le isizwise ubuhlungu ngoba sazama ukuthi simncedise kodwa kwehlula saze sabikela amapholisa bona abayibo abafika bamkhupha kodwa wayevele esedlule emhlabeni.
