Uncategorized

“Udubo lwangeza umahotsha”

28 May, 2020 - 19:05 0 Views
“Udubo lwangeza umahotsha” ULethabo Mazibuko

uMthunywa

AKUFUNAYO nje yikuthi afake ukudla phezulu kwetafula.

Lokhu yikho okwamenza waqala ukuthengisa umzimba wakhe.

Akukho engingakwenza, kutsho yena.

Kulendoda elolunya eyathatha ividiyo ethengisa umzimba wakhe njalo uzwakala ekhuza leyondoda ukuthi yekele ekwenzayo.

ULethabo Mazibuko uveze ukuba kalanhloni ngitsho ngomsebenzi wakhe wokuba ngumahotsha. Ubikele intatheli ukuba isitho sakhe sangasese yiso kuphela qha esingamsiza ebunzimeni.

“Ngiyajabula ngoba nsukuzonke ngilala ngesibomvu. Konke kwenzakala kulesizatho empilweni yomuntu,” kutsho yena.

Inina leli elileminyaka engu-28 elizalwa eSoshanguve, enyakatho yeTshwane, lithengisa umzimba walo egangeni leSunnyside, eTshwane.

Uveze ukuthi waqala ukwenza umsebenzi lo ngomnyaka ka2007.

“Ngemva kokubhubha kukamama owayethethwe ngubaba, abakibo babengafuni ngitsho lokungibona. Bangixotsha endlini kababa ngaswela ukuthi ngiqonde ngaphi,” kutsho yena.

Uthe wahamba wayahlala lomngane laye owacina engasamfuni endlini wamxotsha.

“Ngacina sengihlala emkhukhwini, ngekela lesikolo. Ngazama ukudinga umsebenzi kodwa ngawuswela ngasengibona kungcono ukuthi ngizithengisele umzimba wami.

Ubhadalisa imali engaba yiR20 kusiya phezulu.

“Abanye bangipha iR70, njalo babhadala ngingakahlangani labo. Kulamadoda ayisificaminwe mibili abuya maviki onke. Lo ngumsebenzi wami njalo sengiwujayele.

Uthe esakhula wayefisa ukuba yintathelizindaba loba ukuba ngu-fashion designer.

“Kungephula umoya ukuthi impilo yami inje, kodwa akukho engingakwenza inqobo nje ngisenza imali. Kodwa ngilethemba lokuthi kwelinye ilanga impilo yami izaguquka,” nguLethabo lo.

Uxwayise intsha ukuthi yenze izinqumo eziqondileyo njalo badlale labantu abangeke baphambanise impilo zabo.

“Ngakhetha impilo le, kodwa kayisiyo mpilo enhle. Kangifisi ukuthi iphilwe yiloba ngubani. Abatsha kumele baye esikolo njalo bahloniphe abadala ukuze babe lempilo enhle,” nguLethabo lowo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds