uMthunywa
Thokozile Mbedzi
KULENDODA yeQueenspark East koBulawayo okubikwa idlwengule umongi obencedisa uyise ophathekileyo emzimbeni.
Indoda le, uBezel Dicks kubikwa yenze ihlazo leli ngeviki ephelileyo ngesikhathi umamangala oleminyaka engu-24 ohlala eMzilikazi encedisa uyise ngakibo.
Kubikwa mhlaka 17 Mbimbitho ngehola lesificamunwe munye ntambama, umamangala wayesenza umsebenzi wakhe ngakibo kukametheswacala. Umetheswacala kubikwa wakhombisa umamangala kodwa kazange awatshaye indiva amazwi awakhulumayo.
uInspector Abednico Ncube
Isikhulumi samapholisa koBulawayo uInspector Abednico Ncube uthe umamangala eseqede umsebenzi wakhe wangena lapho okuloyise kametheswacala walala esofeni njengoba ephathekile.
UDicks kubikwa wamngenela lapho wamdlwengula kabili engazivikelanga. Kubikwa umetheswacala wethusela umamangala ukuthi angatsheli muntu kodwa wathi etshayisa waqonda enkambeni yamapholisa wayawabikela.
“Amapholisa axwayisa uzulu ukuba angabothatha amathuba kulabo abampofu ukuba abahlukuluze,” kuphetha uInsp Ncube.
