Udla ngokugida uNaspampanana

14 Oct, 2021 - 00:10 0 Views
Udla ngokugida uNaspampanana uNaspampanana

uMthunywa

Nkosilathi Sibanda
Wasuka eNkayi elande ukuzotshengisa ithalenta lakhe lokugida. Usekwenzile lokhu.
Abathandi bezomculo lokuzithokozisa bathanda ibizo lakhe baphinde bathande indlela agida ngayo. Abalandeli bengoma zikaClement Magwaza leMacrey Super Sounds bamazi bemqonda uNaspampanana.

Ngemva kweminyaka umama lo eyingxenye yeqembu labagidela uMagwaza esitikini, uNaspampanana useze wabonakala ngethalenta lakhe elenza inengi limlandele kuyo yonke imcimbi kusukela eTsholotsho, eNkayi, ePlumtree, eGwanda, eSilalatshani, eFolosi laseGoli.

UNaspampanana ubalelwe phakathi kwamagabazi azalwela isicoco sama-RoilBAA kuqula le-Outstanding Female Dancer. Ngokwakuqala ukungena emncintiswaneni enje kuNaspampanana.
Ekhuluma lephephandaba likazulu ngoLwesithathu, uNaspampanana uthe uzizwa ebonakele ngokubalelwa kusicoco esikhulu koBulawayo.

“Kuyabongeka sibili ukuthi lami sengize ngangena kumbango wesicoco lesi,” kutsho uNaspampanana.
ENkayi udabuka eMakhana Village engaphansi kwenduna uMadliwa.  Uthe waqala ukugida ngomnyaka ka-2012 esehlala elokitshini leNkulumane.

“Ngaqala ngigidela uNdux Junior ngasengisebenza loMagwaza.”

Ukuvalwa kokuhlangana kwabantu okulethwe yiCovid-19 kwaphambanisa inhlelo zikaNaspampanana owayesezibone ekhuphuka ngomnyaka odluleyo.

Kodwa kazange alahle ithawulo ngenxa yokuthi imcimbi yavalwa. Ubike ukuba wavusa ibhizimusi lokuthengisa amatamatisi, imbhida lokunye elokitshini leCowdray Park.

Njengoba umkhosi wama-RoilBAA uzaqhutshwa ngenyanga ezayo, uNaspampanana uthe ubeke ithemba lokuthi uzanqoba.

Kulabo ancintisana labo kuloBlessing Stokie, Nontokozo Maseko abeqembu leZimnyama, loDorcas Ngwenya owe-Iyasa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds