Udla ezitsheni ezimbili uAntipas

22 Aug, 2019 - 00:08 0 Views
Udla ezitsheni ezimbili uAntipas UJoey Antipas

uMthunywa

Bongani Ndlovu

UKUVUMILE akade sekusendebeni zabanengi ngenhlanganiso yeZifa ngoMvulo ukuba abayi kudinga umqeqetshi khatshana ngoba ungqondongqondo wezinkukhu ekhona.

Ukuqhatshwa kukaJoey Antipas kubuya ngemva kokuba uSunday Chidzambwa etshiye isikhundla sakhe kulandela ukungadlali kuhle kweqembu lakhe lama-Warriors kweleGipite ngemva kokuba ekhethe iqembu elalibuswa ngabadlali bangaphandle kwelizwe okwatshiya abalandeli benguqu bebuza ukuba labo abadlalela amaqembu ekhaya abalancedo na.

Ekhuluma lentatheli isikhulumi sogatsha lweZifa uXolisani Gwesela uthe ngemva kokuluhlalela loludaba inhlanganiso isikhethe umqeqetshi omutsha.

“Inhlanganiso yeZifa ngemva kokuhlanganisa amakhanda ikubone kulungile ukuba ibe iqatshe umqeqetshi weChicken Inn uJoey Antipas njengoCaretaker kuze kufike usuku lukamhlaka 31 Mpalakazi 2019,” kuchaza uGwesela.

Uqhubekele phambili waveza abasekeli bakamqeqetshi wesizwe lapho ebika ngokuqhatshwa kukaAntipas.

“Abasekeli bakamqeqetshi weqembu lesizwe kuzakuba nguTonderai Ndiraya oqeqetsha iqembu lama Under-23 esizwe loLlyod Chitembwe,”

“Umqeqetshi weHighlanders uTembo Chuma uzakuba nguye umsizi wabaqagi besizwe, njalo bonke laba abaqeqetshi abayikutshiya izikhundla zabo emaqenjini akuligi,” kuchaza Gwasela.

Ekhuluma lephephandaba likazulu umqeqetshi omutsha wesizwe uAntipas uthe uyabonga ithuba.

“Ngithanda ukubonga inhlanganiso yeZifa ngokungithemba kwabo njalo langethuba abangiphe lona, ngiyathembisa ukuba ngizasebenza ngokuzikhandla lokuzimisela njengoba bengisenza,” kuveza uAntipas

Uqhubeke wakhuluma ukuba yena akala makhetho kubadlali abazadlalela isizwe.

“Kuyinto enhle ukuba labadlali abadlala ekhaya eqenjini lesizwe kodwa labadlala ngaphandle kwelizwe labo kumele bedlale okutsho ukuthi asiyikukhetha abadlali ngebizo kodwa ngendlela abadlala ngayo,” kuchaza uAntipas.

“Okwakhathesi angikwazi ukuthi sizadlalisa obani kumdlalo wethu leSomalia ngoba ngingakatholi isikhathi sokuhlangana labasizi bami ukuze sikhangelisise isimo lesimilo sabadlali abakhona kukhetho leqembu lesizwe,” kuphetha uAntipas.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds