uMthunywa
Thokozile Mbedzi
UNQOBIZITHA Sibanda, ohlala elokitshini lePumula South kasoke walikhohlwa ilanga acabanga ukuthi atshontshe amasaka amafutha wokubhekha isinkwa, nanko usebanjwe ngamapholisa.
Lokhe zibabaza izisebenzi zamankampani aseBelmont azibonela mathupha mhlaka 14 kuNcwabakazi uSibanda ebuthelele ngesiqubu egaxe amabhokisi angu-8 ayisilinganiso se-20KGs ngalinye.
Ekhuluma lentatheli kaMthunywa uAssistant lnspector Nomalanga Msebele uthe okwenza Amapholisa abalensolo ngendoda le, kwaba yindlela ayegijima ngayo.
“Amapholisa ananzelela ukuthi kukhona okungayisikho ngendlela indoda le eyagijima ngayo. UNqobizitha umangalise amapholisa ngesikhathi esemsebenzini lapho obekumangalwe khona, kuthiwa kuntshontshiwe. Amapholisa ngemva kokubona isiqubu sakhe ebaleka, enza umsebenzi wawo alandela uNqobizitha yena owayethwele amasaka e-bread fat ayi- 8x20kg awenkampani yakoBakers lnn UNgqobizitha uhle waveza loAlex Badza abike ukuba nguye umnikazi wempahla le.
“Amapholisa axwayisa abamabhizimusi ukuba baqhatshe onogada abaqondileyo njalo abalowazi ngomsebenzi. Kumele njalo basenzise lendlela eziqondileyo ezibaphathisayo njengama-alarm lama- CCTV ukuze bengalahlekelwa yimpahla mahlayana,” kutsho uAssnt lnsp Msebele.
