uMthunywa
UFISA sengathi ingangakhulunywa indaba yokuzithwala kwendodakazi emithiswe nguyise. Owesifazane waKwaGeorge, eManguzi, utsho kanje ngemva kokugwetshwa komyeni wakhe (38) udilikajele ngamacala okudlwengula amadodakazi akhe amabili, wakhulelisa eleminyaka engu-17.
Lo wesilisa ugwetshwe ngoLwesihlanu ngumthethwandaba wesabelweni seNgwavuma, emva kophenyo olujulileyo lamapholisa abhekele amacala odlame lwemindeni, ukuvikelwa kwezingane lamacala aphathelane lokunukubezwa ngokocansi eJozini.
Amapholisa athole ukuthi enye yamadodakazi isilengane elomnyaka loyise, okulicala alivumileyo enkantolo.
Kuzokhumbuleka ukuthi ngoMpandula nyakenye Isolezwe labika ngezinsolo zokuthi lo wesilisa udlwengule indodakazi ele-13, eyaqunga isibindi yabaleka, yabikela omakhelwane lezihlobo ngoba isikhathele ukuba yisigqili socansi.
Elinye ilunga lomdeni laqunga isibindi layobikela osonhlalakahle bathinta amapholisa. Lindodakazi yaveza ukuthi lodadewabo omdala ulenkinga efanayo, kwavela lokuthi unina walezi zingane uyesaba ukuphumela obala ngoba esabela impilo yakhe lamadodakazi akhe.
Ethintwa unina wezingane longeke adalulwe ukuvikela izingane, uvele wathuka woma wathula isikhatshana, wathi akazi ukuthi kumele aphawule athini ngalolu daba.
“Kubuhlungu ngoba izingane zami kodwa ngicela ukungaphawuli kube yinto engakhulunywa abazali emdenini. Le nto seyiwuxabanisile umdeni angazi ngingaphawula ngithini ngiyaxolisa ngeke ngikwazi ukukhuluma ngale nto,” kutsho unina wamantombazane.
Amalunga omphakathi akhathazeka ngesikhathi kuvela lesi sigameko kwaze kwenziwa lomkhuleko ngokuhlukunyezwa kwabesifazane lezingane kule ndawo.
Ikhansela lendawo ku-ward 4 uMnumzana Lucky Tembe, lithe emva kokuphuma kwesigwebo liwuhambisile umbiko enduneni.
Okhulumela amapholisa KwaZulu-Natal uCaptain Nqobile Gwala, usiqinisekisile lesi sigwebo.
“Emva kophenyo olunzulu inkantolo yesiFunda seNgwavuma imgwebe udilikajele owesilisa ngamacala okudlwengula amadodakazi amabili.
Amacala uwavume wonke ngezingane,” kutsho uCaptain Gwala. — Ubulembu
