uMthunywa
NANTU uluhlu lweziqu zobumnini zoqobo ezisuselwa esabizwaneni soqobo ngezigaba zazo: Kusukela kusigaba: Okhulumayo – isiqu ngu – mi ebunyeni. Ebunengini ngu –thi.
Kusigaba Okukhulunywa laye – isiqu ngu –kho.
Izibonelo zobumnini kulezi zigaba eziqanjiweyo singathi: Umuzi wami kusigaba Okhulumayo.
Kusigaba Okhuluma ngaye sona esingusigaba 1 ebunyeni isiqu sobumnini ngu-khe.
Singathi emutshweni – umuzi wakhe umuntu. Lokhu kuyafana lokwenzakala kusigaba 1a.
Singathi umuzi wakhe ubaba.
Isiqu sobumnini kusigaba 2a ngu –bo. Singatsho ukuthi umuzi wabo abantu.
Kuyafanana lokwenzakala kusigaba 2a lapha esingathi – umuzi wabo obaba.
Ngendlela efananayo isiqu sobumnini kusigaba 3 ngu – wo Kusigaba 4 isiqu sobumnini ngu –yo.
Kusigaba 5 ngu –lo. Kusigaba 6 isiqu sibumnini ngu – wo.
Kusigaba 7 ngu- so.
Kusigaba 8 iziqu zobumnini ezisuselwa esabizwaneni soqobo ngu-zo.
Ungalandela indlela efanayo uze uyefika kusigaba 15 ngoba zinjalo zonke iziqu zobumnini.
Nanku okumele likunanzelele bafundi ngeziqu zobumnini.
Iziqu zobumnini zithathelwe eziqwini zezabizwana zoqobo.
Ngakho-ke kutsho ukuthi zakhiwa ngendlela efananayo leyesabizwana.
Isibonelo: Umthwalo (wa- + u- + o) (wawo) uyasinda.