Uncategorized

Ubulala uyise, amqume izitho

30 Jan, 2023 - 15:01 0 Views
Ubulala uyise, amqume izitho uInspector Abednico Ncube

uMthunywa

 YiNtatheli kaMthunywa
KULENDODA yesigabeni seNyamandlovu enze isiga esisukumisa inwele nanko phela iklinye uyise yambulala andubana iqumaqume isidumbu isitshiye ensimini yomumbu.
Amapholisa adinga uEffort Nothoenhle Dube (29) owezwakala ememeza ethi ufuna “ukubulala uyise.” Kubikwa umetheswacala wabulala uyise uMakhosi King Dube (69) ngesihluku nanko wamsika ulimi, izandla watshiya isitho sakhe sangasese sibambe kancane.
Isizatho sokwenza lokhu kasikatholakali. Isakhamuzi esingathandanga ukuqanjwa ngebizo kodwa esihlala eSeafield Estate Village eNyamandlovu siveze ukuba sezwa uEffort ememeza ethi ufuna ukubulala uyise.
“Kangizange ngikutshaye indiva lokhu ayekutsho ngoba ngibona angathi butshwala,” kutsho umakhelwane lo owayelokhu ethukile.
Umakhelwane ofanayo uthi ntambama wathi esotha umlilo wezwa uEffort ekhuluma amazwi afanayo futhi, “ngifuna ukumbulala lamuhla!” Uthe kazange abe lendabalakho futhi kodwa wangena wayazilalela.
Ngosuku olulandelayo ekuseni wavuka wayakhangela umakhelwane wakhe wafica engekho. Uthe esebhoda egumeni lakhe emdinga lwamtshaya lwameqa uvalo ebona isidumbu sikaMakhosi King Dube emasimini. Kubikwa entanyeni kwakulempawu zokulimala.
U-Effort kusukela ngosuku lokufa kukayise kakaze abonakale esigabeni. Isikhulumi samapholisa koBulawayo uInspector Abednico Ncube uqinisekise ngesehlakalo lesi.
“Ongabe elolwazi olungasiza ukuthi kubotshwe umetheswacala angathinta onguye ocubungula ngendaba le, uConstable Ndlovu ku 0718001209 kumbe amapholisa eNyamandlovu ku 0292-821306 kumbe amawofisi akoBulawayo ku 029-60358 kumbe loba yiphi inkamba yamapholisa.
Uthe ongabe elolwazi kundaba le ongafisi ukwaziwa angabhala incwajana aphose kuSuggestion box yamapholisa. B-Metro

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds