Uncategorized

Ubulala omunye kubangwa ukudla

25 Nov, 2023 - 19:11 0 Views
Ubulala omunye kubangwa ukudla

uMthunywa

Thokozile Mbedzi

KULESISEBENZI somunye umgodi eMguza okubikwa sigwaze sabulala esinye kubangwa ukuthi besifuna ukupheka okunye ukudla besanda kuqeda ukudla kwemini.

UPhathisani Bhebhe oleminyaka engu-32 yokuzalwa weCowdray Park koBulawayo ubulele uKhulekani Phakathi (35) akade besebenza bonke njalo behlala bonke kulandela ukuxabana kubangwa ukudla.

Omele isikhulumi samapholisa koBulawayo uAssistant lnspector Nomalanga Msebele uthe kulamadoda amabili axabanele ebanga ukudla omunye wacina esifa. “Amadoda la abelokungezwani ngesikhathi beqeda ukudla lapho uPhakathi esesithi usefuna ukupheka okunye ukudla bona besanda kudla isitshwala.

Kubikwa uBhebhe wakhonona kakhulu ethi uPhakathi uthanda ukudlalisa ukudla baqala ukulwa uBhebhe wasedobha insimbi wamtshaya ngayo kabili enyaweni lwesandleni sokudla andubana athathe umphini wehloka amtshaye ngawo ekhanda kanengi, wabuye wadobha ilitshe wamtshaya futhi ekhanda.

Lokhu kwabangela ukuthi uPhakathi aquleke yena uBhebhe wasuka waya etshwaleni waphenduka ngehola letshumi ebusuku wamthola ekhala ngenhlungu kodwa kazange abe lendaba wamtshiya wabuyela futhi etshwaleni uthe ekuphendukeni wamthola esedlule emhlabeni.

Ebona lokhu uBhebhe wahamba wayamangala emapholiseni wahle wabotshwa. “Njengamapholisa sikhuthaza uzulu ukuba bengabofaka umthetho ezandleni zabo ngoba kulicala njalo kucina kulahleka lempilo,” kuphetha uAsst lnsp Msebele

Share This:

Sponsored Links