Uncategorized

Ubotshelwe ukulima imbanje esivandeni

17 Sep, 2021 - 14:09 0 Views
Ubotshelwe ukulima imbanje esivandeni

uMthunywa

Thokozile Mbedzi

KULENDODA emangalise umphakathi esigabeni seGwenhamo koChivi eMasvingo ngemva kokutholakala ilime imbanje esivandeni sayo ngoLwesithathu kuyonale iviki.

Kubikwa uJohn Mahuka oleminyaka yokuzalwa engu-35 utholakale esivandeni sakhe kugcwele izihlahla zembanje, usaba lwazo kanye lezinye ezithengiswayo.

Amapholisa abophe uMahuka kulandela ukuthola izihlahla ezingu-1 000 esivandeni sakhe ezinde okungaba yimitha eyodwa, usaba lwezihlahla ezingu-2 000 obelusembhedeni emibili, ebezifakwe emgodleni we-2kg lezinye ebezibotshwe zaba ngu-31.

Esinye isakhamuzi uMnumzana Fidelis Moyo uthe abalankani ngesibindi sikaMahuka sokulima isihlahla esingekho emthethweni.

“Silapha kasilamandla ngoJohn obelesibindi sokulima imbanje ezinengi esivandeni esazi mhlophe ukuthi akuvunyelwa emthethweni.

“Mina ngangisithi mhlawumbe ngamaluba loba esinye nje isihlahlakazana ngoba imbanje bengivele ngingazazi,” kutsho uMnu Moyo.

UMthunywa uzwe ukuthi amapholisa ancwetshwa indlebe ngezinye izakhamizi ukuthi uMahuka ulime imbanje.

Isikhulumi samapholisa esabelweni seMasvingo uInspector Kudakwashe Dewa ebuzwa ngodaba lolu uthe solufikile ehofisini yabo.

“Sibonga uzulu ngokuluma amapholisa indlebe ngesenzo sikaMahuka okuyikho okwenze amapholisa ayafika esivandeni sakhe aze ambopha.

“Ngithanda ukuxwayisa labo abaphatheka ekulimeni imbanje ukuthi behlukane lomkhuba lo ngoba akukho emthethweni okwenza kube licala elingenza umuntu ayepika ejele,” kuphetha ulnsp Dewa.

Share This:

Sponsored Links