uMthunywa
FORT RIXON
KULENDODA yeFort Rixon ebotshelwe izihlahla zembanje ezingu-9 ebisithi iyavunyelwa ukuba lazo ngemva kokuba ibuzwe yizakhamizi ukuthi kungani ilima izihlahla lezi okucine kubangela ukuba ifinyelelwe yisandla somthetho.
Kubikwa uRasta Mhlanga wahlanyela izihlahla lezi phakathi kwamaluba okokuthi abanengi babengakunanzeleli ukuthi zimbanje. Izakhamizi zithe sezinanzelele ukuthi ulime imbanje zambuza ukuba ukwenzelani yena wazivikela ngokuthi: “UHulumende uyavuma ukuba abantu bazilimele izihlahla lezi santando ngoba zilusizo olukhulu ekwenzeni imithi esilisayo kumikhuhlane etshiyeneyo”.
Omunye wezakhamizi uMnumzana Bongani Thebe uveze ukuthi uRasta ubezithengisela imbanje santando.
“URasta ubesethengisela labontanga, asazi ukuba amapholisa abakwazi njani ngesiga lesi ngoba abantu basebengasela ndaba ngoba ethi imbanje zisemthethweni.
“Silokujabula kakhulu ngokubotshwa kukaRasta ngoba ubelemfundiso embi esigabeni sethu ebantwini abanengi,” kutsho uThebe.
Imizamo yokuxhumana lesikhulumi samapholisa esabelweni seMatabeleland North yehlule ngoba umakhalekhukhwini wakhe engangeni.
