Uncategorized

Ubophela uGrade 3 otshontshe iR100 esihlahleni, amtshaye

09 May, 2019 - 00:05 0 Views
Ubophela uGrade 3 otshontshe iR100 esihlahleni, amtshaye

uMthunywa

Bongani Ndlovu

IZAKHAMIZI zelokitshini leCowdray Park koBulawayo zilokhu zithithibele ngesenzo selinye inina elibophele indodana yalo efunda uGrade 3 esihlahleni sankomokazi esengwayo ngapha liphethe limbhaxabula ngoba etshontshe iR100.

UMartha Nyathi oleminyaka yokuzalwa engu-26 kubikwa ubhaxabule umntanakhe (ibizo siligodlile) ngoLwesihlanu ngeviki ephelileyo kulandela ukunanzelela ukuthi utshontshe iR100 wayadlala i-playstation.

UMthunywa uzwe ukuthi inina leli lafika ladonsa indodana yalo phakathi esitolo lapho okudlalwa khona ama-playstation layalaye endlini lapho elafika khona lambophela esihlahleni ngaphambi kokuthi limtshaye. 

Omunye umakhelwane othande ukwaziwa ngesibongo nje kuphela, uMaNdlovu uthe bakhitshwe ngumkhosi ezindlini zabo bamangala bethola umntwana ebotshelwe esihlahleni.

“Thina endlini siphume sigijima sisithi bakhona asebesilwa phandle sathola uMaNyathi ebophele umntaka-dadewabo esihlahleni engathi yinkomo afuna ukuyisenga esithi umtshayela ukuthi utshontshe imali.

“Sathi simbuza ukuthi kungani pho embophela wathi wenzela ukuthi  engaphindi ukwenza lokhu,” kuchasisa uMaNdlovu.

Ugcizelele waveza ukuba umntwana usele elemvimvinya umzimba wonke njengoba ebengaviki ngesikhathi etshaywa.

Iphephandaba likazulu libuye lathintana loNkszn Martha Nyathi ubekhanya ezisola ngesenzo sakhe.

“Kuliqiniso ukuba umntwana uke wathatha imali engangeR100 engela mvumo yabadala wayayitshintsha ngaphambi kokuba ayothenga ama-chips, iziwiji kanye lokuyadlala imidlalo kamabonakude labangane bakhe. Lokhu yikho okungenze ngamtshaya ngoba bengimkhuza kodwa lokhu okokuthi ngangimbophele esihlahleni ngamanga,” kuphetha uNkszn Nyathi.  

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds