uMthunywa
Nkosilathi Sibanda
UMDLALI wenguqu uDevine Lunga usezadlalela iqembu leMamelodi Sundowns kusukela ngesizini ezayo kwele-South Africa.
Kubikwa intshantshu yomdlali le siphakathi kokuqedisisa inkulumo lequmbu leli, okutsho ukuba usesuka kuqembu le-Lamontville Golden Arrows, lapho afika waphakamisa isisindo somdlalo wanceda leliqembu ukuthi lithole inhlonipho.
Kuqembu leGolden Arrows uLunga, ubetshibilika labadlali bakuleli uDanny Phiri loKnox Mutizwa.
Ukudlalela iSundowns kwakuvele kusehlelweni lukaLunga njalo labacuphi bomdlalo kudala bakutsho ukuthi umdlali lo uzangena kuSundowns. Abanye abadlali abasemehlweni eSundowns babalisa uNkosinathi Sibisi loNstako Neverdie Makhubela.
ULunga ngumdlali oyibamba emuva kwesenxele njalo ungomunye wabadlali abahlala besehlelweni lukamqeqetshi uSteve Komphela, ongumsekeli womqeqetshi kuSundowns.
Umdlali lo waqala ukukhuluma ngephupho lakhe lokuyadlalela iSundowns ngesikhathi efika eSouth Africa njalo ngaleso sikhathi wayesanda kuqeda ukuzama ukukhankasela iqembu lama-Warriors kunkezo ye-Africa Cup of Nations (Afcon) e-Egypt nyakenye. Wayefunwa liqembu leTurkey kodwa i-Golden Arrows yala ngokuthi isafuna ukuthi ayidlalele.
“Ngesikhathi ngiqala ukudlala ibhola eZimbabwe ngafuna ukuzodlala eSouth Africa. Inengi lamaqembu aphetsheya ayakwazi ukukubona nxa ulapha kulaseZimbabwe.-@NkosieLegend
