Uncategorized

Ubhaxabulelwa ukutshayelwa ucingo ngumngane oyindoda

14 Sep, 2023 - 00:09 0 Views
Ubhaxabulelwa ukutshayelwa ucingo ngumngane oyindoda

uMthunywa

Ethel Ncube

IHLAWULISWE imali engange US$300 indoda yePlumtree ebhaxabule umkayo ongumongikazi isola ukuthi kungani etshayelwe ucingo ngumngane oyindoda.

Umongikazi uThabang Sonya Malemane wayevakatshelwe yisithandwa sakhe lapho aloja khona ngoNcwabakazi ebusuku wasesamukela ucingo oluvela komunye asebenza laye kodwa lokhu akuzange kumphathe kuhle umsolwa uWayne Noble ngoba wahle wamsukela wamtshaya waze wabaleka.

Umtshutshisi uVoster Makuwerere uveze ukuba laba yizithandani njalo umsolwa uNoble watshaywa uMalemane kubangwa ucingo.

“Umsolwa wavakatshela isithandwa sakhe uMalemane endlini yakhe. Phakathi kobusuku uThabang wafonelwa ngumngane wakhe oyindoda wasabela ucingo. Lokhu akuzange kumphathe kuhle uNoble ngoba waqala ukutshaya uMalemane emsola ngokungathembeki.

“UMalemane esebona ukuthi ijaha lakhe lizamlimaza wabaleka waqonda kumnikazi wendlu. UNoble wahle wabaleka. Udaba lolu lwabikwa emapholiseni okwabangela ukubotshwa kukaNoble,” kubika uMakuwerere.

Umsolwa kazange achithe isikhathi senkundla, uhle wavuma icala lakhe okwenze umantshi uJoshua Nembaware wambhadalisa inhlawulo yeUS$300.

Share This:

Sponsored Links

Survey


We value your opinion! Take a moment to complete our survey

This will close in 20 seconds