UBenni uzimisele ukuyaphumula lomdeni

31 Mar, 2022 - 00:03 0 Views
UBenni uzimisele ukuyaphumula lomdeni uBenni McCarthy

uMthunywa

NGEKE athathe loba yiwuphi umsebenzi wokuqeqetsha oqhamukayo, uBenni McCarthy, osanda kwehlukana leMaZulu FC, khepha uzahlaba ikhefu ngenhloso yokuhlala lomdeni wakhe abeseqhelelane lawo umnyaka lengxenye.

Le yimpendulo kaRob Moore, ongumanenja walumqeqetshi ayinike intatheli ngoLwesibili ebusuku ngesikhathi limbuza ngokuyikhona osekuzokwenzakala ngekusasa lakhe.

Usuthu lumkhombe indlela uMcCarthy ekupheleni kwesonto eledluleyo. Umkhokheli walo, uSandile Zungu, ubeke isizatho sokuphikwa yimiphumela njengesenze ukuthi behlukane.

Ngesizini yokuqala, uMcCarthy ubeke Usuthu endaweni yesibili ku-log okube ngumlando kuleli qembu. Lokhu kufake iqembu kuCaf Champions League okokuqala, walitshiya lisesigabeni samaqoqo kulo umqhudelwano.

NgokukaMoore, uMcCarthy kufanele abe yinyama emaqenjini aseNingizimu Afrika ngenxa yamagalelo akhe kwiCape Town City lakuMaZulu.

“Uma kukhona iqembu elimfunayo eNingizimu Afrika, kufanele kube ngelaziyo ukuthi lifunani futhi lokhu elimethembisa khona kufanele akuthole,” kutsho uMoore.

“Okuyikhona uMcCarthy afuna ukukwenza okwamanje yikubuyela e-Europe (eScotland) emdenini wakhe, asehlale ngokuqhelelana lawo okwezinyanga ezinengi ezedluleyo.

“Angingabazi ukuthi umsebenzi ngeke awuswele ngenxa yezimanga azigile kuCape Town City ayifake kowamanqamu amahlandla amabili yawina (owodwa), lakwenze kuMaZulu ewasusa ezembeni wawaphendula elinye lamaqembu ahlonitshwayo ezweni kanjalo lasezwenikazi.

“Akekho ongakuphikisa ukuthi uMcCarthy uwenze abangcono womabili amaqembu awaqeqetshe eNingizimu Afrika ngakho-ke uma kukhona omfunayo, kufanele kube yiqembu elikhulu.

“Kufanele kube liqembu elizothi kuye sifuna imiphumela eyilolu hlobo bese limgixabeza ngazo zonke izinsiza zokusebenza.

“Usekulungele ukuqeqetsha iqembu elikhulu kodwa futhi uma lokho kungenzeki, sizobheka e-Europe ngoba vele ilapho azobe ekhona sonke isikhathi,” kutsho uMoore.

Lo maneja ukhuluma kanje ngesonto eledluleyo ikhwele yadilika kubaphathi boSuthu ngesikhathi ikhuluma kuPower Sports Extra ngoLwesihlanu kuPower FM.

“Icala likaBenni yikuthi ukhonone ngokusonga kwabaphathi izandla kumawindi okutshintshana ngabadlali amabili adlule ekubeni kuyibo futhi abafuna izulu lomhlaba kuyena.

“Isono sikaBenni yikuthi athathe leliqembu lisengcupheni yokudliwa alibeke endaweni yesibili ku-log. Konke lokhu ukwenza ngabadlali abafice eqenjini ngaphandle koyedwa obebolekwe kuCape Town City (uZukile Kewuti),” kutsho uMoore. – Isolezwe

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds