uMthunywa
UMDENI wowesifazane weNhlalakahle eMgungundlovu obulawe lenye yezingane zakhe, kwaphinde kwabulawa labesolwa ngokuthandana laye ngoMgqibelo, uthi umsolwa ubevele engumhlukumezi.
Kulesi sehlakalo umsolwa ongunogada enkampanini yabonogada udubule wabulala uNkosazana Purity Noluthando Mkhize (28), Lisakhanya Sinqobile Mkhize (3) lowesilisa igama lakhe elingatholakalanga.
Kubikwa ukuthi uphinde wadubula walimaza ingane eleminyaka emibili okuthiwa iyelatshwa esibhedlela.
Zombili izingane ezidutshuliwe ngezakhe umsolwa azithole kumufi uNkszn Mkhize.
Kuthiwa ubuye wadlulela komakhelwane oseduze, wafika wadubula owesilisa abemsola ngokuba lobudlelwano bezothando lonina wezingane zakhe.
Ngemva kwalokho uzidubulile laye, watholwa ngamapholisa komunye umgwaqo osendaweni, engakatshoni, waphuthunyiswa esibhedlela lapho agadwe khona ngamapholisa.
Umamkhulu kaNkszn Mkhize, uNkosazana Londiwe Mbongwa, elandisa ngokwenzeka kwesehlakalo, uthe umsolwa uqale ukukhombisa impi ngoLwesithathu olwedluleyo.
Uthi ngalolo suku umsolwa wafika emsebenzini kaNkszn Mkhize, wamthatha ngenkani waya laye ngakibo.-Ubulembu
“Wafika wamshaya, wamphuca leselula yakhe. Wathola indlela yokuphunyuka (umufi), wabuya weza ekhaya, wafika watsho ukuthi uyise wezingane zakhe umtshayile waze wamthathela leselula,” kutsho uNkszn Mbongwa.
Uqhubeke wathi ngoMgqibelo ekuseni umsolwa uphinde watheleka ekhaya wafike wahilizisana loNkszn Mkhize ngaphambi kokuba amdubule lamadodakazi akhe womabili.
“Udadewethu utshelwe indodana kamufi endala (9) ukuthi uyise kaLisa udubula unina lodadewabo. Yena akamdubulanga, udubule lezi ezizalwa nguye izingane lonina,” kutsho uNkszn Mbongwa.
Uthe bonke ubebadubula ezindaweni ezibucayi, okuchaza ukuthi ubelenhloso yokubabulala.
Uthe umsolwa udlulele komakhelwane lapho afike wadubula khona owesilisa abemsola ngokuthandana loNkszn Mbongwa.
“Asazi noma bebethandana ngempela yini ngoba asizazi izindaba zezingane,” kutsho uNkszn Mbongwa oveze ukuthi lo owesilisa utshone endleleni ebheke esibhedlela.
Uveze ukuthi ekuthandaneni kwabo umsolwa ubevele elakho ukumhlukumeza, ubemtshaya kodwa bebengakaze bacabange ukuthi angaze enze into enzima kanje.
Unina kaNkszn Mkhize, uNksz Khanyisile Mbongwa, uthe ayikho into engathoba amanxeba abawadalelwe ngumsolwa.
“Uze wayobulala lomuntu ongahlangene. Kusafanele mina uma kudlula sonke lesi simo, ngihambe ngiye kulowa muzi, ngiyoxolisa ngento engingayaziyo ngesenzo sakhe. Ungixabanise lomakhelwane, ebulala umuntu wakhonale,” kutsho unina kamufi.
Uqhube wathi lo owesilisa ubelomuntu wakhe abethandana laye, abalezingane ezincane laye.
“Enye ilomnyaka izelwe, enye ifunda uGrade 11. Zincane. Uma kudlula umngcwabo kumele ngiyoxolisa ukuthi babulawelwe indodana ngento engekho,” kutsho yena.
Okhulumela amapholisa eKwaZulu-Natal, uColonel Robert Netshiunda, uthe amapholisa aphenya amacala amathathu okubulala lelilodwa lokuzama ukubulala kulandela isehlakalo sokudubula.
Uqinisekisile ukuthi umsolwa utholwe elimele emgwaqweni kwatholwa lesibhamu eduze kwakhe.-Isolezwe
