UBeefy unxusa uMandla emdlalweni

14 Oct, 2021 - 00:10 0 Views
UBeefy unxusa uMandla emdlalweni Philani "Beefy" Ncube

uMthunywa

YiNtatheli kaMthunywa
IHIGHLANDERS ibuyela enkundleni ngeSonto emini inxuswe ngumakhelwane wayo iBulawayo City kumidlalo yenkezo yeChibuku Super, okhangelelwe ukuthi uhlabuse ngokuma kwamaqembu womabili.

Zidibana nje abaqeqetshi bamathimu la sebebike ukuba basawulungiselala umdlalo lo, ukuze kucace ukuthi yiphi ebusayo ngenguqu koBulawayo.

Imidlalo yomqhudelwano wenkezo yeChibuku Super iphendukile kuliviki, ngemuva kokumiswa kancane ngempelakile edluleyo ngenxa yemidlalo yomkhankaso wenkezo yoMhlaba.

IBulawayo City, Highlanders, Bulawayo Chiefs leChicken Inn zikuqula lika-Group 2 kumbango “wenkezo yezikhokho” lo. Kuleli iqula kukhokhela iqembu leChicken Inn eliphethe imklomelo elitshumi lanye ngemva kwemidlalo emihlanu esiqhutshwe ngamaqembu onke.

IHighlanders, okuyiyo eyanqoba inkezo le ngesizini ka-2019, iyalandela ngemklomelo eyisitshiya galolunye.

IBulawayo City ithe khoxo kunombolo yesithathu ubambe imklomelo emine kuphela. Iqembu leli selanqoba umdlalo owodwa, lapho ize ihambe phezulu kweBulawayo Chiefs nge 2-1. Selanqotshwa kathathu, lahlohlwa amabhola ayisitshiya galombili.

Loba inombolo zelogu ziveza ukuba iBulawayo City iyaxega, lokhu akumkhathazi umqeqetshi wayo Philani “Beefy” Ncube obike ukuba amalanga emidlalo awafani.

“Okubalulikileyo yikulungiselela umdlalo,” kutsho uNcube engafuni ukuthi aphanjaniswe ekulolongeni kwakhe abadlali phambili komdlalo wangeSonto lo.

Lumdlalo ukhanya ulula kuHighlanders nanko yona izakuya ncintisa kusigaba esilandelayo, kodwa angeke kube ngumtshelelo ngoba iBulawayo City yandise ukuthi iyangise amaqembu azikhukhumezayo kuligi.

Umqeqetshi weHighlanders uMandla “Lulu” Mpofu ubikele intatheli wathi akasoke angene enkundleni elande ukuyadliwa.

Inhloso kaMpofu yikuthi ithimu yakhe igqibe isigaba sakuqala inganqotshwanga. Kungehlula lokhu, umqeqetshi lo uzabe eyehlulekile ukugcwalisisa isithembiso kubalandeli.

Icebo elingasiza lumqeqetshi kulimpelaviki yikudlalisa abafana abavimbezela iBulawayo City, osekucacile ukuthi ilabo abadlali abalohlonzi lwenguqu loba nje igedi bengalibonisisi.

“Umdlalo lo awusethusi njengeminye imidlalo yethu,” kutsho uMpofu ephendula imbuzo evela kuphephandaba likazulu.

“Imidlalo ayifani. Idlabuzane lokunqoba silalo. Okwethu yikuhamba sihlomile kuphela,” kutsho lumqeqetshi
Imidlalo yeChibuku Super

ekhona kulimpelaviki:

NgoMgqibelo: Chicken Inn v Bulawayo Chiefs (Barbourfields Stadium 1PM), Ngezi Platinum Stars v FC Platinum

(Mandava Stadium 11AM), Black Rhinos v Manica Diamond (Baobab Stadium 11PM), Tenax CS v Cranborne Bullets

(Sakubva Stadium 11AM), ZPC Kariba v Yadah (National Sports Stadium 11AM)

NgeSonto: Bulawayo City v Highlanders (Barbourfields Stadium 1PM), Triangle v Whawha (Mandava Stadium 11AM), Dynamos v Caps United (Baobab Stadium 3PM), Herentals v Harare City (National Sports Stadium 11AM)

Share This:

Sponsored Links