uMthunywa
OWAYENGUMDLALI wenguqu uWillard Katsande uhlaselwe ngamasela amthathela imota yakhe eSouthgate Mall eGoli ngoLwesibili.
Amaphephandaba akweleSouth Africa abike ukuba ulahlekelwe futhi zimpahla ezibiza inkulungwane yama-Randi ezibalisela amafoni.
UKatsande, oleminyaka yokuzalwa engu-36 lokhe watshiya inguqu ubesephakamisa ibhizimusi lokwakha lokuthengisa impahla ngaphansi kwebizo elithi Boss Ya Mboka Kitoko Makasi.
Uke wabakungozi yomgwaqo andubana ahlaselwe ngamasela.
“Ngikhathazekile njalo ngisebuhlungwini kulandela izehlakalo lezi,” kutsho uKatsande.
“Ngilimele umzimba wonke nanko phela amadoda la akade emathathu angidonsela phansi.”
Kubikwa imota kaKatsande yatholakala e-Eldorado Park loba nje yayisifotokile.
