Uncategorized

Ubanjwa iganyavu ngamadoda 4 ethengisa

02 Jul, 2020 - 00:07 0 Views
Ubanjwa iganyavu ngamadoda 4 ethengisa

uMthunywa

Thokozile Mbedzi
LOKHE zinkemile izakhamizi zesigabeni seMthombothemba eHope Fountain ngemva kokuba amanye amadoda amane ebambe elinye inina inkunzi aphinda alibamba iganyavu.

Kubikwa inina leli elehlelwe ngamashwa la belithengisa kulindawo lihamba lelinye njalo inina. Ngaleso sikhathi kubikwa amanina la ahlangane lamadoda amane wona ahle awasususela amanqe awahlasela omunye wamanina la waphunyuka kwasala lo ocine egwazwa, wathathelwa imali andubana abanjwe iganyavu.

Ekhuluma lentatheli kaMthunywa uMnumzana Bongani Nyoni uveze ukuthi lokhe elesithuli ngesiga esibehleleyo esigabeni.

“Zonke izakhamizi zisevalweni ngesiga esisehleleyo lapha esigabeni sethu ngoba asikaze sibe lesehlakalo esinje lapha, kuyaqala. Thina sizwe sokumemezwa kuthiwa kulenina elikhalayo eligwazwe ladlwengulwa laphinda lakhuthuzwa imali engange2 000 randi. Lapha sibili asikaze sibe lesehlakalo esinje, kutsho ukuthi abantu laba asobahlali balapha ngoba siyazana lapha njalo sizazama ngazo zonke indlela ukuba sizidinge izigelekeqe lezi. Kuhle kwabikelwa amapholisa ngodaba lolu njalo sizancedisana lawo ngoba ukuganga okunje angeke sikwamukele esigabeni sethu,” kuphetha uMnu Nyoni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds