uMthunywa
AKUVUMI lokuthi adle ugogo womfundi kaGrade 9 eNhliziyo High, uSnenhlanhla “Sne” Mthiyane (14), isidumbu sakhe esitholakale egangeni lesigabeni seMakhambana, koMpukunyoni, eMtubatuba, ngeSonto ngabo-2 ntambama.
UNkosikazi Msingisi “MaThethwayo” Mthiyane uthe okubaphethe kabi kakhulu yikuthi izinkomba zithi ngumfowabo kamufi okuzalana oyise futhi abebehlala laye emzini owodwa owenze lokhu.
“Bengingekho ekhaya ngiyobheka izinkomo kodwa obekhona ungitshelile ukuthi kufike umfowabo kaSne ngesikhathi ematasatasa epheka ekhaya ngeSabatha (ngoMgqibelo) ngabo-6 ntambama.
“Ubefuna ayomthengela igwayi. Ingane yehlulekile ngitsho imchazela ukuthi isematasatasa, iyapheka kodwa wayiphoqa ngenkani ukuthi iyomthengela igwayi.”
UNkkz Mthiyane uthe umzukulu ugcine ehambile ukuyothenga ugwayi. “Okusenza sisole umfowabo yikuthi abasesitolo bathi lomfowabo ufikile ethi usezothenga umentshisi, baphuma sebehambisana.
Uthe wethukile sekusihlwa umzukulu engakabuyi ngekhaya.
“Simbuzile umfowabo ukuthi umtshonisephi, wavele wathi akazi kodwa elokhu eyaluza, engelasinqe.
“Sithe uma siphuma endlini, waqoqa zonke izimpahla zakhe, weqa ekhaya. Kukhona abathi bambone lamhlanje (esitsho ngoMvulo) koBhoboza ebheke ngasePhaphasi,” kutsho uNkkz Mthiyane.
“Ukube lumfana ufike ngikhona bekungeke kwenzeke lokhu.”
Isidumbu sikaSne size satholakala egangeni elingasesikolo iMakhambana Primary ngeSonto, ubelimele entanyeni lasebusweni.
UNkkz Mthiyane uthe abakazi noma udlwenguliwe yini umufi.
Okhulumela amapholisa eKwaZulu-Natal, uCaptain Nqobile Gwala, uthe likhona icala lokubulala elivulwe esiteshini samaphoyisa sakoMsane, eMtubatuba.
“Intombazane eLeminyaka engu-14 kubikwa ukuthi ilahlekile kwathi ngo-Mfumfu 6 kwatholakala isidumbu sayo silamanxeba okulimala,” kuphetha uCaptain Gwala.
Uthe akukabotshwa muntu. — Ubulembu
