Ethel Ncube
ZISELE zibambe owangaphansi izakhamizi zeZvishavane ngemva kokuba enye indoda ingenele umalukazana wayo endlini yakhe yokulala yambamba iganyavu.
Umsolwa uArnold Makonye oleminyaka yokuzalwa engu-52 umiswe emthethwandaba kuviki ephelileyo esetheswa icala lokubamba iganyavu umalukazana wakhe oleminyaka engu-27.
Umtshutshisi kulelicala ubikele inkundla ukuthi mhlaka 3 Mpandula umsolwa uMakonye wafika wafuqa isivalo sendlu kamamangala andubana amwisele embhedeni wambamba iganyavu kanye.
Umantshi wemthethwandaba weZvishavane uMnumzana Archie Wochiunga udlulisele phambili icala leli kumhlaka 24 Mpandula njalo umsolwa uzabuya evela ejele.