U-Voltage uyasifuna isikhundla sakhe

24 Jan, 2019 - 00:01 0 Views
U-Voltage uyasifuna isikhundla sakhe Modern Ngwenya

uMthunywa

YiNtatheli kaMthunywa
ABASEKELI boqobo beqembu leHighlanders bazasebenzisa ilungelo labo lokuvota kudingwa inkokheli kuzwa kusikhundla sikamsekeli kamgcinisihlalo lesikamgcinisikhwama.

NgeSonto amalunga la azaqala ngokuhlaziya isimo seqembu kumhlangano womnyaka, anduba bavote ngeviki elizayo. IHighlanders yilo lodwa iqembu elenza imhlangano lokhetho kumaqembu kanobhutshuzwayo kuleli.

Lokhu yikho okwenza ithimu le ibizwe ngokuthi ihlelekile ngoba ikhokhelwa ngohlonzi njalo ilandela okuphawulwe yinhlanganiso yeFifa.

Kukhetho oluzayo, amehlo athi mpo kuModern “Voltage” Ngwenya osabambe isihlalo sikamsekeli kamgcinisihlalo. UNgwenya uyasifuna isikhundla ngoba ungomunye walabo asebephosele amabizo abo emphakathini.

Amandla alundoda azazwakala nxa engelisa ukubuyela ewofisini. Ngokuzwa kwalintatheli kubafakazi abaqotho, kubikwa uNgwenya uzancintisana loLongwe Ndlovu loLawrence “Lofty” Phiri.

Ekhuluma ngokuzimisela kwakhe, uNgwenya uthe igazi lakhe alitshintshi umbala “Lihlala limnyama limhlophe” njalo uthe akula omunye ongavotelwa ngaphandle kwakhe.

“Inhloso yami yikuthi siqede umsebenzi esawuqalayo. Akusizi phela ukulungisa okuqondileyo.”
UNgwenya uthe ukuza kukaMhlophe kubukhokheli beBosso kukhweze isisindo seqembu ngakho uyakuthakazelela ukusebenza esekela inkhokheli le.
Uqhubeke wathi ungomunye wenkokheli ezakubona kufanele ukuthi iHighlanders iqale ukudlalisa abafana abasakhulayo, ikakhulu labo abaphuma kumaqula ayo.
“Loba ukuphatha umsebenzi wethimu ungowethu sonke kuHighlanders, mina ngaba ngomunye walabo abagimisa ukuthi sibuyela muva kuma-juniors. Ngayimela indaba yami yokuthi siqhatshe uMadinda Ndlovu lokuza kwesikhwama seNetOne,” kutsho uNgwenya.
Iphephandaba likazulu lixoxisane labalandeli beBosso mayelana ngamadoda la afuna ukungena esikhundleni sethimu yezwe lonke. Kukhanya inengi labasekeli elilamandla okuvotela umsekeli kamgcinisihlalo lizavotela uNgwenya.
Okwenza uNgwenya abelethemba lokuthi kasuki esihlalweni lusekelo alalo eHarare lakuhlekana labasekeli abaseGwanda lasePlumtree. Amavoti kamgcinisikhwama yiwo angacaciyo ukuthi azaphuma njani kodwa iphephandaba likazulu lizwe ukuba uDonald Ndebele ufuna ukuhlala.
UNdebele ulosekelo oluvela ekuthini wenelise ukubamba imali yeqembu ngesikhathi umkhonomi welizwe uwela phansi.
Bonke abangena ezikhundleni bathembisa ukuthi bazenza izifiso zabalandeli lokusebenzela ukuphakamisa iqembu leli elihlezi phezulu kwesikwelede esedlula imiliyoni yamadola.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds