uMthunywa
Izihlanganiso ngamagama ahlanganisa imitshwana, yenze imitsho.
Izihlanganiso azicini nje ngokuhlanganisa imitshwana, kwesinye isikhathi kuqaliswa ngaso umutsho loba umutshwana.
Ukwakhiwa kwaso isihlanganiso: Izihlanganiso zingehlukaniswa kanje: Izihlanganiso zemvelo: kanti, uma, ngakho-ke, khepha, pho.
Izihlanganiso ezisuselwa kwezinye incezu zenkulumo: kodwa, ukuze, ukuthi, ukuba.
Siyakwazi futhi ukuthi izihlanganiso sizehlukanisa ngale indlela.
Ezingaguquli isimo sesilandiso esilandelayo futhi ezingelandaba lokuthi isenzo esilandelayo sindlelabani.
Eziguqula isimo sesilandiso esilandelayo sibe: sendleleni eqondisayo, sendleleni eqondisayo yesimo loba endleleni eyamile/encikile.
Ngiyakwazi ukuthi abafundi kabazwisisi indlela zesenzo kodwa kuyadingeka ukuthi babelolwazi lwazo ukuze benelise ukuphendula imibuzo egoqela zona.
Ukusetshenziswa (izihlanganiso zemvelo).
isindebele
Izibonelo: Isihlanganiso sihlanganisa imitsho.
Uziphethe kabi/kubi.
Uyakholwa: Uziphethe kabi kanti uyakholwa.
Isihlanganiso singaqalisa emtshweni: Uma engalibonanga iphutha lakhe lamuhla, ngeke aphinde alibone.
Ubezonde kakhulu kodwa kamjezisanga.
Izihlanganiso ezisuselwa kwezinye incezu zenkulumo: Ezisuselwa esiqwini sesabizwana senani; kodwa (-dwa).
Singahlanganisa imitsho. Isibonelo: Ukwenzile. Uyaphika.
Ukwenzile kodwa uyaphika.
Singaqalisa ngaso emtshweni: Kodwa ukwenzeleni lokhu? Kodwa uyenzeleni insindabaphenduli embi kangaka?
Sizaqala lapha kuviki ezayo.
