uMthunywa
SITHOLWE ngaphansi kombheda womunye wabangani bakhe besilisa ngeKhisimusi isidumbu sowesifazane waKwaMakhutha, eThekwini obekumele agubhe usuku lwakhe lokuzalwa ngawo uKhisimusi. Umdeni kaNkosazana Makhozasana Khumalo (25), uthi kawufisi ukuthi lo mngane osolwa ngokudlwengula abulale indodakazi yawo athole ibheyili.
Ngokuthola kweLANGA, ngo-Lwesihlanu kufike abangane ababili besilisa bakamufi abejwayele ukuyocima labo ukoma, bathi mabahambe bayophuza, bazombuyisa. “Njengenjwayelo, kasixwayanga ngoba lalapha ekhaya bebeke bafike bahlale bazithengele okokucima ukoma, bajabule ngoba bajwayelene. Bekuyaye kuthi uma bemlandile bahambe laye baphinde bamkhaphe bambuyisele ekhaya,” kutsho iwele likamufi, uNkosazana Makhosi Khumalo.
Uthe baqale ukuxwaya uma kuphela isikhathi eside udadewabo engafoni ukutsho ukuthi akalankinga lapho ekhona okuyinto abejwayele ukuyenza. “Ubejwayele ukulutshiya ucingo lwakhe uma ehambe labangani kuyophuzwa, kodwa ubeqinisekisa ukuthi uyaluboleka, asibikele ukuthi konke kuhamba kahle. “Njengoba bahamba ngoLwesihlanu ebusuku nje, salala engafonanga, okuyinto ayengavamile ukuyenza. Ubethanda ukuzinaka lokugeza, okungixakile uma kuze kuphakama ilanga (ngoMgqibelo) engabuyile ngoba ngangazi ukuthi akagezile lapho ekhona. Lithe lisiyatshona (ilanga) sabona ukuthi kukhona okutshaya amanzi,” kutsho yena.
Uthi bavuke ngeSonto (ngoKhisimusi) balibangisa emapholiseni beyobika base bezama ukuthola laba bangani bakhe abamthathile. Kuthiwa kuthe uma bebuzwa ngaye, bathi usheshe wahamba ethi ufuna ukuyolala, ukhathele. “Siye emakubo satshelwa ukuthi kabekho, baseMbumbulu, sathi uma sibafonela nabo batsho njalo. Bagcine bebuyile sayobalanda sathi sicela bayochaza emapholiseni ukuthi kwenzekeni,” kutsho yena. Uthi kube sekutholakala ukuthi lona omunye wahamba watshiya umsolwa kubo enaye umufi, “Sithe sisalindele ukuthi amaphoyisa aqhubeke lokubheka ngawo uKhisimusi, satshelwa ukuthi isidumbu sakhe sesitholakele ngaphansi kombhede womunye wabangani bakhe, lona okwakuphuzelwa kubo.
“Lolu bekuwusuku lwethu lokuzalwa, besihlele ukuthi sizolugubha ndawonye,” kutsho uNkszn Khumalo. ILANGA lithole ukuthi isidumbu besilezimpawu zokuthi umufi uklinyiwe, watshaywa ngensimbi thizeni etholakale ibekwe eduze kwaso. Umsolwa kuthiwa umfake ngaphansi kombhede wakhe wammboza ngezingubo zokulala kanti kunezinsolo zokuthi uqale ngokumdlwengula.
“Besingakulindele nhlobo lokhu esikubonile ngoba laba ngabangani bakhe abakhulu, ebesazi ukuthi naye uzizwa ephephile uma enabo. “Kuyangethusa ukuthi omunye wabo amdlwengule aze ambulale,” kutsho iwele likamufi. Lithi njengomdeni kabafisi ngitsho ukuthi umsolwa athole ithuba lokuphumela ngaphandle, bafisa abhadle ejele. Okhulumela amaphoyisa uColonel Robert Netshiunda, usiqinisekisile lesi sigameko, wathi umsolwa ubhekene lecala lokubulala kanti kulindelwe ukuba avele enkantolo maduze.
