Uncategorized

Sikhale inyembezi isidumbu sofakelwe itshefu

19 May, 2022 - 00:05 0 Views
Sikhale inyembezi isidumbu sofakelwe itshefu uRhoda Masarakufa

uMthunywa

ISIDUMBU senye indoda eyayi ngumakorokoza kuwadi epulazini leSelby Farm eseMazoe okucatshangelwa ukuthi yafa ngemva kokufakelwa itshefu ekudleni ngabanye bayo kubikwa sakhala ngemva kokugcinwa endlini singangcwatshanga okwensuku ezintathu.

Kubikwa uWilson Mashonganyika (33) kubikwa wafa kulandela ukugula okwesikhathi esifitshane lapho okubikwa wayeselensuku ezimbalwa ekhala ngesisu esibuhlungu njalo ekhipha njalonje.

UWilson kubikwa waqala ukugula ngesikhathi evela gebha igolide labanye bakhe.

Isalukazi esizala uWilson uNetsai Mashongayika uqinisekise udaba lolu esithi, “Umntanami wathi efika evele lapho ababegebha khona igolide waqala ukukhala ngesisu esibuhlungu.

“Ekuqaliseni wayecabangela ukuthi mhlawumbe yirusi (rust) ngoba imbiza ababephekela kizo zazilayo irusi. Ngokuya kwesikhathi waqala ukuhlanza izinto ezimnyama ezingani zilamaqatha enyama.”

Imbiza ele rusi (rust)

Uthi ucabangela ukuthi indodana yakhe yafakelwa itshefu ngabanye bayo njalo okunye okumzwisa ubuhlungu yikuthi isidumbu somntanakhe asizange siyehlolwa ngenxa yokuswela.

“Angilakho ukuthula ngokucabanga indodana yami. Ngibona angani bamfakela umntanami ngoba yena nguye yedwa owagulayo abanye bakhe abazange bagule lalamuhla kakho omunye ogulayo. Ngicabangela ukuthi ukhona owamfakela itshefu.”

Uqhubekele phambili esithi, “Isidumbu somntanami sahlala okwensuku ezintathu singabekwanga silapho ayehlala khona njalo abantu balapho babelokhu besithi thatha isudumbu somntanakho uyelaso lapho ohlala khona.

“Okunye okungizwisa ubuhlungu yikuthi umntanami wakhala wakhipha inyembezi ngesikhathi abantu bevalelisa isidumbu sesimbeka. Lokhu kwasimangalisa sonke njalo kwangitshengisela ukuthi wafa elokufuthelana.”

Inina leli lithe ukhona umphurofethi owathi uyenelisa ukulitshela ukuthi ngubani owafakela indodana yalo itshefu kodwa wathi ufuna iUS$100 elingelayo.

Umka muyi uRhoda Masarakufa (26) uthi umkakhe wasuka emsebenzini ngoLwesihlanu ngeviki ephelileyo ekhala ngokuthi umzimba wakhe wonke ubuhlungu.

“Ngambuza ukuthi kungani engezwa kuhle wathi ucabangela ukuthi kubangelwa yikuthi usebenze kakhulu egebha. Ngelilandelayo savuka sayatheza inkuni sonke saphenduka ekhaya. NgeSonto wavuka ewatsha ezinye impahla zakhe kodwa elokhu ekhala ngokuthi isisu sakhe sibuhlungu,” kutsho uRhoda.

Uthe wacina ephiwa omunye umuthi ngomunye umakhelwane wawunatha kodwa akutshintshanga lutho.

Uthe umkakhe waqala ukukhipha kodwa ngelanga ebhubha wayesekhipha okuzwayo okokuthi wayegonyuluka ngenxa yobuhlungu.

Isikhulumi samapholisa Emashonaland Central uAssistant Inspecto Milton Mundembe uthe udaba lokuthi uWilson wabekwa engelamaphepha eneleyo lokuthi wabekwa isidumbu sakhe singahlolwanga ayikafiki emahofisini abo.

U-Inspector Milton Mundembe

Sithanda ukwazisa abantu ukuthi nxa umuntu efe ngendlela engazwisisekiyo abantu bazise amapholisa ngokuphangisa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds