uMthunywa
Wayne Ncube
SEKUSELE imidlalo emithathu ukuthi kugqitshwe iligi yeCastle Lager Premier Soccer League nanko leBulawayo Chiefs isijabula.
Amakhosi ajabuliswa yikuthi asefomini njalo angeke axotshwa kulisizini.
Ithimu le izithembile ukuthi izasila kumhedla wokukhitshwa kuPSL lapho ekhangelelwe ukuthi inganqoba imidlalo elandelayo. Amakhosi afisa ukunqoba kumidlalo emithathu eseleyo ngoba yikho okungabapha isiqiniseko sokusila kuPSL.
Ekhuluma lentatheli kaMthunywa uThulani Sibanda ubike ukuthi benza konke okusemandleni abo ukuthi bangazitholi bephakathi kwamaqembu asengozini yokukhitshwa kulo umqhudelwano omkhulu kwezikanobhutshuzwayo.
“Abafana badlala ngendlela enhle njalo lathi njengabaqeqetshi senza konke okusemandleni ethu ukuthi sinqobe.
“Iqembu leFC Platinum lisibone sithola isikhala sokuphefumula, umdlalo wakhona siwuhloniphile ngoba sinqobe ngesikhala senalithi bekungekho lula ukunqoba iqembu eliqine ngaleya indlela kodwa siyathaba ukuthi senelisile ukunqoba lumdlalo,” kuchaza uSibanda.
Iligi isisemaphethelweni kusithi ezikhangelelwe ukunqoba kuligi zimi kanje:
1 Caps United ……….. 29 15 6 8 46 35 11 51
2 FC Platinum ………. 29 13 10 6 29 15 14 49
Ezikhangelelwe ukukhitshwa kuligi:
17 Mushowani ……… 29 7 9 13 32 39 -7 30
18 Yadah ……………….. 29 6 10 13 25 42 -17 28
Imidlalo eseleyo ukugqiba iligi:
Usuku lwesi 31: Manica Diamonds FC v Bulawayo Chiefs FC (Vengere), FC Platinum v Highlanders FC (Mandava), Ngezi Platinum Stars FC v Chapungu FC (Baobab), Dynamos FC v Black Rhinos FC, Yadah FC v Caps United FC, ZPC Kariba FC v Harare City FC, Tel One FC v Triangle United FC, Herentals FC v Mushowani Stars FC, Chicken Inn v Hwange FC.
Usuku lwesi 2: Highlanders FC v Manica Diamonds FC, Chapungu FC v FC Platinum, Black Rhinos FC v Ngezi Platinum Stars FC, Caps United FC v Dynamos FC, Harare City FC v Yadah FC, Triangle United FC v ZPC Kariba FC, Mushowani Stars FC v Tel One FC, Hwange FC v Herentals FC, Bulawayo Chiefs FC v Chicken Inn FC.
