uMthunywa
Yinthatheli KaMthunywa
OWAKE waba ngukaputeni weqembu lenguqu leZimbabwe uWillard Katsande kungenzakala ukuthi asuke eqenjini lakhe leKaizer Chiefs eSouth Africa ngenyanga kaNhlangula.
Kubikwa lumdlali olodumo ufunwa liqembu leStellenbosch elilandela ngobunono okwenziwa yiNaturena.
Kubikwa uKatsande ngomunye osemabizweni asengasuka kuAmakhosi ekupheleni kwalo umkhankaso.
Lumdlali waqala ukudlala phetsheya kuka Limpopo ngemva kokuthi aye kwele Gauteng.
Lumdlali weZimbabwe wafika emzini weKazier Chiefs ngomnyaka ka2011 njalo wayengomunye wabadlali abadla kamnandi wathola izicoco ezimbili zomkhankaso wePSL ngaphansi kukamqemqetshi uStuart Baxter.
“Umoya wakhe usebuhlungwini. Wayengazi ukuthi insuku zakhe zokucina eNaturena zizababuhlungu kanjalo.
Wayecabangela ukuthi wayezakwehlukana labo kumnandi,” kutsho lo eseduze lomdlali etshela iphephandaba le The Citizen. “Yikho esefuna ukusuka alubhekise kibo eZimbabwe ngemva kukuphela komkhankaso. Ucabanga lokuqhuba uthando lwakhe lezomculo.” Phansi kukamqemqetshi uGavin Hunt uKatsande (35) sedlale imidlalo eyisithupha esetshenziswa kakhulu kumidlalo yeCaf Champions League.
