uMthunywa
Ethel Ncube
ABAHLABELELI abalodumo bakaMaskandi abadabuka ePlumtree uAphiwe loSobancane bakhangelele ukwethula idlalade labo lokuqala ngenyanga ezayo.
UMthunywa uthole ithuba lokuvakatshelwa ngabaculi laba, uAphiwe Moyo ofunda uFomu 3 loSobancane abaveze ukuthi bapheka idlalade labo elitsha elithi Imibuzo elikhangelelwe ukuphuma ngenyanga kaMabasa.
Ekhuluma lentatheli uSobancane obelokhu engakukholwa ukuthi sebesemaphethelweni okupheka idlalade labo uthe abalandeli kabalindele ukudla kwendlebe.
“Sijabule kakhulu ukuza lapha koBulawayo sizopheka ividiyo yethu entsha. Idlalade lethu lilesihloko esithi ‘Imibuzo.”
Lilengoma eziyisikhombisa. Ngaleyonyanga lizaqala ukuthengiswa,” nguSobancane lowo.
“Sicela abalandeli bethu bahlale belilindele ukuze basixhase ngoba lathi sibaphekele ngobunono obukhulu.
“Ubunandi bonke bomculo kamasikandi sibuhlanganisile. Sikhangelele njalo ukuya eMzansi Afrika ukuthi siyenandisa enkundleni ezimbalwa ukuze abalandeli bethu basibone,” kutsho uSobancane ekhuluma lentatheli.
UAphiwe Moyo yena ngumfundi esikolo seVimila.
“Ngiyathaba kakhulu ukuba idlalade lethu selizaphuma. Ngithanda ukubonga abalandeli bethu ngibuye ngibuye ngibonge labasincedisayo ngithi qhubekelani phambili lisisekela lingadinwa,” kuphetha uAphiwe.
