Selinile izulu lokuqala, hlanyelani

20 Dec, 2018 - 00:12 0 Views
Selinile izulu lokuqala, hlanyelani Balimi hlanyelani emasimini enu njengoba izulu selinile.— File photo

uMthunywa

Bongani Ndlovu

ABALIMI sebekhuthazwe ukuthi baqalise ukulima ngoba sesifikile isikhathi sokwenza lokhu njalo baqaphele inhlanyelo abayisebenzisayo.

Ekhuluma loMthunywa uMnumzana Davison Masendeke onguProvincial Agronomist esabelweni seMatabeleland North uxwayise abalimi abakuRegion 3 kusiya ku-5 ukuthi isikhathi sokulima sesifikile ngoba izulu eline kunsukwana ezisanda kwedlula yilo abalimi abakade belilindile ukuze baqale ukulima.

“Izulu eline kuviki edluleyo libe yicilongo kubalimi ukuthi baqale ukulima ikakhulu kuzindawo lezi eline kakhulu,” kutsho uMnu Masendeke. 

Uqhubekele phambili esithi ukuphuza kokuqalisa ukuna kwezulu sokungenza ukuba isikhathi sezulu sibe simfitshane.

“Ingcitshi zomumo womkhathi abeMeteorological Services baveze ukuthi indawo ezigoqela uRegion 3 kusiya ku-5 zingathola izulu elilutshwana. Kungakho labo abangakalitholi izulu bangabe bephendula indima zabo ukuze lingatshaya phansi bahle bahlanyele,” kulandisa uMnu Masendeke. 

Uphinde wathi abalimi bahlanyele inhlanyelo kanye lezilimo eziphangisa ukuvuthwa ngoba akuthenjwa ukuthi izulu lizaba nganani.

“Abalimi kumele bazame indima zezilimo eziphangisa ukuvuthwa ezinjengamabele, inyawuthi lendumba.

“Abalimi kabahambe kubalimisi babacebise ngenhlanyelo eziphangisayo. Abalimi kabekele ukuhamba becela umumbu bawenze inhlanyelo, kababeyazi inhlanyelo eyiyo abayilayelwe ngabalimisi babo,” kuphetha uMnu Masendeke.

Share This:

Sponsored Links