IWOFISI ebona ngokubhaliswa kwezincwadi elizweni, ekaRegistrar General isivule imnyango ukuze uzulu aqalise ukuthatha incwadi zokuzalwa, izithupha kunye lamapasa.
Iwofisi le ibivaliwe kulandela ukuqansa kwenani labantu abahlaselwa ngumkhuhlane weCovid-19 ngenyanga kaNhlangula.
Kulandela ukuyekethiswa komthetho wokuvinjwa kwabantu emakhaya nguMongameli welizwe, uMnangagwa ngoLwesibili, iwofisi le isiqalile ukwamukela labo abazothatha izithupha, incwadi zokuzalwa kunye lamapasa.