Uncategorized

Sekubulewe abahlanu eGoli

05 Sep, 2019 - 00:09 0 Views
Sekubulewe abahlanu eGoli

uMthunywa

SEKUTSHONE abantu abahlanu ngenxa yodlame lokuhlaselwa kwezitolo zabokufika eGoli.

Lokhu kuvele izolo ngesikhathi umkhulu wamapholisa, uMnumzana Bheki Cele, evakatshele eJeppestown, eGoli lapho afike wakhuluma khona lezinduna lomphakathi ngokwenzeka kuleyo ndawo.

Kuvele ukuthi kutshone abantu ababili eCoronationville ngoMvulo, kutshone oyedwa eHillbrow kwaphinda kwafa omunye ngoLwesibili. Omunye akwaziwa ukuthi utshone kuyiphi indawo khona eGoli.

UCele uthe ngeSonto kuzaba lomhlangano kule indawo kuzokhulunywa lamalunga omphakathi ukuthola ukuthi kuyini inkinga bese kuqhanyukwa lesixazululo.

Ekhuluma lomphakathi izolo uCele uthe: “Sizacela ukuba lomhlangano ozasinika umhlahlandlela ngodaba lwakule ndawo. Umhlangano uzaba ngeSonto. Sengikhulumile labezokuphepha ukuba kwandiswe amapholisa, kuqatshwe ukuthathwa kwempahla lokutshiswa kwezitolo.

Siyathemba ukuthi lokhu kuzakwenqabela ezinye izehlakalo ezizakwenzakala kuze kube yiSonto.”

Kukhangelelwe ukuthi kulo umhlangano kuhlangane abamahostela ehlukene eGoli labavela ezindaweni ezithintekayo kulolu dlame okubalwa abaseDenver, Hillbrow, lakwezinye izindawo.

UMongameli uCyril Ramaphosa uzwakalise ukukhathazeka ngalesi simo wanxusa uCele ukuthi asibhekisise. Ugxeke lokuhlukunyezwa kwabokufika.

Ukuthathwa kwezimpahla ezitolo kuqale ngempelasonto.

Abantu kuthiwa bagasele ezitolo zabokufika batapa izimpahla, ezinye bazitshisa, kwatshiswa lezimota emgwaqweni.

Kutshiswe lamaloli lakho okusolwa ukuthi kuhlobene lalezi zigameko.

Enye indoda ebiphethe izinduku lehawu eJeppestown ithe bakulungele ukuthi kube lomhlangano ngesonto kodwa okusalayo yikuthi: “Ayikho into esizoyenza ngaphandle kokuba bahambe laba bantu (etsho abokufika).” — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds