uMthunywa
UMDENI usulilahlile ithemba lokuthi liyobuyela ekhaya liphila ibamba bukhosi esizweni sakoNyuswa uMakhosandile Ngcobo (54), owathunjwa ngo- Mabasa lonyaka esesigodlweni sakhe ngabasolwa ababezenza amapholisa.
UMnumzana Mqondisi Ngcobo okhulumela umdeni, uthe abaselalo ithemba lokuthi lapho ekhona iyaphila inkosi njengoba sekuphele izinyanga eziyisikhombisa yathunjwa, wasola amapholisa ngokuhudula izinyawo.
“Isifiso sethu yikuthi loba engabe engasekho kodwa sibelakho ukufihla ithambo lakhe. Isimo emdenini sesiqala ukuba ngcono loba kusenzima kodwa sekukhona ukwamukela.
Akukho esikuzwayo ngalolu daba kusathule kangangoba lamapholisa awasatsho lutho.
Okunye okwenza sibone ukuthi amapholisa ahudula izinyawo, yikuthi ngomnyaka odluleyo usinde edutshulwa, wabatsho abantu ababonayo kodwa kuze kube lamhlanje akukabotshwa muntu ngaleso sehlakalo,” kutsho uNgcobo.
Uthe ukholwa ukuthi abantu abathumba uyise, kuseyibona kanye laba abake bazama ukumbulala ngoMpandula nyakenye.
Kuthiwa umdeni wawusanda kuqeda isidlo sasebusuku ngesikhathi abasolwa bevula ngenkani isango, bapaka izimota bakhomba amanye amalunga omdeni ngezibhamu baphoqa ukuthi kukhitshwe uNgcobo.
Kuthiwa baqala babulala isicabha sendlu lapho uNgcobo ayezivalele khona, babopha wonke amalunga omdeni izandla, baphuma lomgilwa okwaba lusuku acina ukubonakala ngalo.
Okhulumela amapholisa eKwaZulu-Natal uCaptain Nqobile Gwala uthe umgilwa kakatholwa kukanti amapholisa asaqhubeka ngophenyo. – Isolezwe.
