Qaphelani umkhuhlane wamehlo ezifuyweni

06 May, 2021 - 00:05 0 Views
Qaphelani umkhuhlane wamehlo ezifuyweni I-opathalmia pink eye enkomeni

uMthunywa

Thokozile Mbedzi
INHLANGANISO yeVeterinery Services ikhuthaza abafuyileyo kundawana zonke zelizwe ukuthi baqaphele umkhuhlane wamehlo obizwa ngokuthi yi-opathalmia pink eye wona othelelwanayo phakathi kwezifuyo ezibalisa inkomo, imbuzi kunye lezimvu.

Ekhuluma lentatheli kaMthunywa uDokotela wezifuyo uNdabezinhle Mkhwananzi uthe abafuyi kabaqaphele umkhuhlane we-opathalmia, ohlasela amehlo ezifuyo.

“Umkhuhlane we-opathalmia uyathelelwana ezifuyweni ezibalisa inkomo, imbuzi kunye lezimvu. Umkhuhlane lo uhlasela amehlo njalo uwenza abe bomvu,” kuchaza uDkt Mkhwananzi.

Uthe umkhuhlane lo umemethekiswa zimpukane.

“Isifuyo esesihlaselwe ngumkhuhlane lo sibonakala ngelihlo elihlala likhala njalonje futhi liba bomvu.

I-opathalmia pink eye embuzini

“Umkhuhlane lo ubangelwa ligcikwane le-thelazia rhodesic predisposes. Okwenza igcikwane leli lihlasele isibaya somlimi yikuminyana, uthuli kunye lokutshisa,” kutsho uDkt Mkhwananzi.

Uthe ilihlo liba buhlungu njalo kuhle kwenze isifuyo singathandi ukukhanya.

“Ukwelapha umkhuhlane lo kumele kusetshenziswe i-eye powder ebizwa ngokuthi yi-tetracycline efakwa nsuku zonke lejekiseni.”

UDkt Mkhwananzi uphethe ngokuxwayisa abalimi ukuthi balimuke impukane ukuze zingamemethekisi umkhuhlane lo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds