Qaphelani, sekungaba lendlala

21 Nov, 2019 - 00:11 0 Views
Qaphelani, sekungaba lendlala

uMthunywa

Wayne Ncube

ABALIMI beZimbabwe yonke jikelele bakhuthazwa ukulungiselela isikhathi sendlala ngoba kungenzakala ukuthi bafelwe yizifuyo kubangelwa yikusilela kokudla.

Ekhuluma lentatheli uMnumzana Paul Nyathi onguLivestock Officer enkampanini yeAgrivet uchaze ukuba abalimi kumele bavikele izifuyo zabo ngazo zonke indlela njalo babone ukuba ziyathola ukudla langesikhathi sendlala.

“Izifuyo zihlaselwa kakhulu yindlala ngenyanga zokuqala zokuna kwezulu. Inyanga eziyingozi ezifuyweni nguNcwabakazi kusiya ekuqaleni kwezulu, kuyabe kungelatshani njalo inkomo kazifani lembuzi ezidla konke lamahlamvu zona ziyacuba lemikhuhlane icina izihlasela lula,” kuchaza uMnu Nyathi.

Abalimi kumele bananzelele inyanga lezi lapho okuba lendlala enkulu, belungiselele kulesikhathi ukuze bavikele ukucuba kanye lokufelwa yizifuyo.

UMnu Nyathi ubuye waveza ukuthi abalimi kumele bagcinele inkomo zabo amahlanga omumbu ukuze zibe lokudla nxa utshani bungasekho.

UMnu Nyathi ukhuthaze abalimi ukuthenga i-molasses ehlanganiswa lokudla kwezifuyo ukuze inkomo zithole amandla njalo zenelise ukunatha lamanzi amanengi.

“Ngesikhathi sendlala lapho okuswelakala khona utshani obuyibo obupha inkomo amandla, abalimi kabathenge i-molasses banike inkomo zabo ukudla okuzipha amandla ukuze zingahlaselwa yimikhuhlane evame ukuhlasela inkomo ngesikhathi sendlala.

UMnu Nyathi uthe i-molasses ivela ekulungiseni i-sugar cane njalo ilungile kakhulu ukunonisa inkomo.

UMnu Nyathi uphethe ngokuthi abalimi balomlandu wokuthi babone ukuba izifuyo zabo ziyathola amanzi.

“Ukuswelakala kwezulu yinto abalimi abangeke bayiguqula kodwa ukuswelakala kwamanzi balakho ukukulungiselela ngokugebha imigodi edonsa amanzi ngamandla elanga,” kuphethe uMnu Nyathi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds