Qalisani ukulima liphange umdaka

17 Nov, 2022 - 00:11 0 Views
Qalisani ukulima liphange umdaka Umhlabathi osulindele ukulinywa

uMthunywa

Blessing Moyo
ABABONA ngezokulima abe-Agritex sebexwayise abalimi kundawana zonke zelizwe ukuba baqale ukulima indima zakuqala ukuze babambe umdaka osukhona khathesi.

UMnumzana uDumisani Nyoni onguMatabeleland North Provincial Officer ubikele uMthunywa ukuba abalimi baqalise ukufaka inhlanyelo zabo zokuqala nxa sebethole umdaka oweneleyo.

“Izulu selinile phose indawana zonke zelizwe ngakho sikhuthaza abalimi abasendaweni lapho izulu eselingene khona phansi emhlabathini laba lomdaka ukuthi baqalise ukuhlanyela indima zokuqala.

Balimi hlanyelani emasimini enu njengoba izulu selinile.— File photo

“Kukanti labo abangakatholi izulu kabaqhubeke bephendula amasimu abo ukuze izulu nxa selisina ngamandla lenelise ukuthi lingene emhlabathini libe lesidaka. Umlimi angahlanyeli nxa engakabi lesidaka eseneleyo ngoba ezalahlekelwa yinhlanyelo ngoba ingacina ibolela phansi yonke,” kutsho uMnu Nyoni.

Kuqakathekile ukuba umlimi engakalimi aqale ngokuphendula ensimini yakhe ngoba lokhu kuyanceda ukuthi nxa izulu selisina amanzi angene kuhle phansi.

“Okunye njalo kwenza inhlanyelo yomlimi imile kuhle loba izulu lingahlala amalanga lingananga kodwa umhlabathi uyabe ulokhe umanzi,” kuqhuba uMnu Nyoni.

 

Provincial officer we-Agritex Dumisani Nyoni

UMnu Nyoni uqhubeke ngokuxwayisa abalimi abalima utshinda ngezulu ukuba baqalise ukuhlanyela ngalonaleli izulu lakuqala.

“Umlimi ngaleli izulu lakuqala angafaka loba yiwuphi umhlobo wenhlanyelo afuna kube yindima yakhe yokuqala kodwa sikhuthaza abalimi ukuba kunhlanyelo abayikhethileyo bangatshiyi umumbu,” kuphetha uMnu Nyoni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds