Uncategorized

Phos’ elakho: Omama abendileyo kabakhuzwe!

20 Feb, 2020 - 00:02 0 Views
Phos’ elakho: Omama abendileyo kabakhuzwe!

uMthunywa

Mehleli Dube

KUVAMILE kubomama abanengi ngemva kokwenda ukuthi basuke balibale imilayo yaboyisekazi ukuthi emendweni kuphilwa njani. Inengi labo liqalisa lisenza kuhle belothando lokubekezela. Abanye baswela isikhathi labomkabo, ufica sekungani ngabafowabo, ngoba lokuthi indoda iyahlangabezwa nxa ivela emsebenzini, itshoniswe ngelizwi elimnandi, eligcwele uthando lenhlonipho, uzabona laye esemoyizela enqekuza ikhanda etshengisa ukujabula.

Nxa uzazi izitemo zakhe wenze ujikela ezimbili, ezintathu uzabona laye esekubamba bamba ekutomota, akhukhumale agcwale ibhavu. Akulanto ejabulisa indoda njengokutshengiswa inhlonipho, manje abanye ufica ubaba ethi efika evela emsebenzini, uthole umuntu engagezanga elokhu ehlihla imijulujulu, ikhwapha sekungani liqaqa eselisuzile selikhonkothwa yizinja, phela uyabe etshona ebona abanye omama asebenza labo becwebezela, lawe zama ukuthi nxa selimathunzi ugeze, ubilise amanzi, ethi efika umkakho umenzele uhololo kumbe ikofi aphunge akhiphe amadino, ngapha ulungiselela upheka isitshebo santambama, umtshela langezifundo zabantwabenu.

Abanye uthola indoda ifika uyabe emile ku-durawall bezishwashwata bethandele amazambiya ngapha bexhwatha ngengcekeza, belamaginqo obusuku bayizolo. 

Kuvamile njalo kubomama abanengi abasebenzayo ukufica imisebenzi yonke yasekhaya sebefuqela kunkazana oncedisa lapha ekhaya. Athi nxa efika evela emsebenzini azidaye esitulweni sika sofa, uyaze avuswe ngunkazana esebuye lokudla, ecine engasakwazi ukuthi umkakhe uthanda nhloboni yokudla lokuthi kuphekwa njani.

Inengi lalaba abasebenzayo yiwo amavilavoxo ngoba abanye ngitsho lekamelweni lokulala kuyabe sokuthanyela unkazana, esewatsha lempahla kababa yangasese, nxa ukwenza lokhu uboqaphela, ngoba ufanana lomuntu owelusisa izimvu amaganyane.

Thatha impahla zomkakho ngempelaviki uziwatshe, uzi ayine uzabona laye nxa ebona ukuthi imisebenzi iyakwandela esekuncedisa okunye. Loba umsebenzi usukwandela kangakanani engutsheni, ukhuthale, loba udinwe njani emacansini zama ngamandla wonke ukufukuza njengethuku lingena emqubeni.

Enye into ezondwa ngamadoda amanengi yikuthi umkakhe abe labangane abangendanga, zama ukuba labangane abaqotho.

Ayixabene. 

Umlobi uthinteka ku: 0714355641

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds