Uncategorized

Phos’ elakho: Ngoba angila ndoda yikho lingangilaleli!

04 Apr, 2019 - 00:04 0 Views

uMthunywa

Mehleli Dube

WONKE owosapho lukaEva, ukuze ahlonitshwe okungela ntandabuzo kumele abe ngotshadileyo.

Ngikhumbula omunye umngane wami wayengumaqhuzu kwenye inkampani edumileyo phela wayedlile amabhuku lakhona leso sikhundla wasithola kungela kufeketha kodwa kufanele. 

Udubo wayethi abangaphansi kwakhe babengamhloniphi njalo bengamlaleli ngoba bethi ngumazakhela. Wayethi angakhwaza ezwakalisa ukuthi kukhala esakhe isicathulo, uzwe bemhleka usulu bethi yikuthi indoda kasayazi, ngitsho labanye abesifazane uzwe bethi “engathi esehlulwa yikuthola umaqondana wakhe abeseqedela ulaka phezu kwethu”. 

Kodwa empeleni wayengabahlukumezi efaka nje imithetho yenkampani okumele ithobelwe loba yisiphi isisebenzi salapho. Umuntu njengoba lawe umazi aphendulele inkulumo, wayehlala ehlulukelwe waze wahlaselwa yisifo senhliziyo. Kuvamile kwabansundu ukuthi umuntu ongendanga uzwe sekuthiwa ngunondindwa kumbe uzwe sekuthiwa okwenza angendi yikuthi wayekhipha izisu, loba nje imbali yakhe bengayiqondi, bakhohlwe ukuthi njengoba wayefunde kangako isikhathi sokukhipha izisu wayezasithatha ngaphi. 

Phela lenengi lamadoda liyesaba ukuthatha omakoti abafunde kakhulu njalo bengomaqhuzu emisebenzini yabo. Bayabe befuna labo abangayanga ngaphi ukwenzela ukuthi babaphathe njengezichaka. 

Khona kodwa kuqakathekile ukuthi umuntu abelomaqondana wakhe ngoba inkanuko zemvelo zithelela umuntu ulaka avuke ziqansile, ungaba lomnyama uthi uyamkhulumisa akuhatanise uthi uyakuhlolela kanti uyabe uhlangane lomfula uthela. Kanengi umuntu wakhona ungathi uyambonisa uvele adliwe ngunembeza athi ngoba engelandoda usuphikisana laye, azonde afane lendlondlo egqitshelwe umhome wayo ngabazingeli. Angagqoka okubambayo bakhulume bathi sedinga amadoda, angazifaka isipendamlomo mamo, ahlekwe ngabosapho lwakhe uzwe bethi uyadinga. 

Ayixabene. 

0738305027

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds